Ricky Kwok真係唔話得，見劉母坐後座，就特登離開司機位，行去另一邊開車門，而劉浩龍亦喺側邊協助。
娛樂圈僧多粥少，唔係個個都可以撈到風生水起，好似97年挾住「新秀冠軍」入行嘅劉浩龍，撈咗咁多年都撈極唔起。好彩劉浩龍冇嘢多，老死就成籮，除咗當年黐住許志安而泊到「東亞」呢個大碼頭外，平時都一樣做菠蘿雞。早前媽咪姐就喺大坑撞到陳嘉容前夫Ricky Kwok做咗劉浩龍嘅司機，特登揸自己架波子，去劉浩龍位於大坑嘅屋企，接載佢同劉母出街。


其實劉浩龍近年都係做大茄居多，最高峰試過一年有六部戲上畫，加埋國內登台騷，都算撈得唔錯，起碼唔愁三餐。聽講佢嚟緊會再出碟，咁多老死，個個幫手宣傳，應該冇問題囉！ ####


去年中有傳劉浩龍同Janice Man蜜運，二人仲孖住嘆火鍋。不過Janice Man早前就俾人斷正翻撻前度，難怪劉浩龍要搵Ricky解悶。《蘋果日報》圖片


截至今年中，劉浩龍已經有三套戲上畫，不過全部做閒角。喺《高海拔之戀II》就做一個紅星經理人（黃奕飾）嘅助手，好諷刺。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄