另外今屆港姐破天荒以疑似外國節目《生還者》形式舉辦，殺班佳麗措手不及。周三（6日），29位佳麗啱啱先宣布入圍唔夠一星期，就要面對首輪淘汰賽。


但一班大熱門如28號湯洛雯、「翻版陳妍希」25號陳潔玲、貌似戴夢夢嘅17號號張名雅統統不負眾望，再下一城。不過翌日周四（7日）TVB又再搞多劑，淘汰多4個，剩餘16位佳麗先真正飛到倫敦拍外景。玩佳麗之餘，一班記者頭都暈埋。講起17號張名雅，媽咪姐覺得佢幾靚幾有氣質，鬼咩？又係名門之後嚟㗎，名導張堅庭咪係佢舅公囉！

張堅庭出力
提到舅公張堅庭，張名雅絕不掩飾：「佢俾我好多意見，我有叫佢做提名人，但佢話親人做好似好啲，所以最後叫咗我媽咪做。其實我覺得就算佢做我提名人，都唔會對我有好大幫助，因為我好有信心，唔使靠屋企人！」 ####


 


賽前大冷門，2號謝謹蔓，順利被out，仲當場喊爆嚇親邦邦，不過呢一刻證明無綫並未造馬。


「女神」搏到盡外貌似足「女神」陳妍希嘅25號陳潔玲淡定有錢剩，為咗努力做港姐，有傳佢準備退股唔做時裝店㖭！


今時今日選港姐，仲刺激過玩過山車！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄