娛樂八掛大放送★

無綫貪污醜聞案爆煲，令知名度不高的前藝員寧進忽變港聞紅人，曝光率拍住陳志雲，但同時也促使寧進離場無綫，這個判決對他來說絕對大懲罰，上訴無望，他只怨信錯人，卻為陳志雲講盡好話，大讚恩師頂呱呱。　撰文：比華利

其他娛樂名人影片

無綫今年 3月驚爆貪污醜聞，無綫總經理陳志雲（ Stephen），思潮廣告製作有限公司及思潮出版社有限公司董事叢培崑、無綫前監製錢國偉、無綫前藝員寧進和無綫營業部業務拓展主任陳永孫合共 5人被拘捕扣查。經過半年搜集證據，廉署上月正式落案起訴陳志雲、叢培崑和陳永孫三人，錢國偉和寧進一個多月前則獲廉署撤銷擔保，重獲自由。

做生意斷送兄弟情

記者日前與寧進在其土瓜灣經營的電單車行做專訪，他主動解開與陳志雲和叢培崑謎一樣的關係，原來寧進中學畢業不久，經友人介紹下先後認識陳志雲和王喜，寧進說：「我當時做緊救生員，冇乜嘢前途，機緣巧合下識咗 Stephen，佢係有學識、有思想嘅人，佢鼓勵我試吓去 TVB應徵做 OA（辦公室助理），我做咗一陣就轉去做藝員。」寧進推心置腹，安排死黨叢培崑加入「迷雲黨」，成為陳志雲私人助理，寧進甚至與叢培崑拍檔做生意，並任職思潮廣告有限公司董事一職。好景不常，寧進想不到自己入職思潮兩個月便離開，他坦言：「我做咗兩個月就冇做，我哋喺生意上真係夾唔到，有啲人只可以做朋友，但做唔到 partner。」當話題轉到陳志雲身上時，寧進即搖身變成開籠雀，滔滔不絕稱讚：「如果 100分滿分， Stephen份人有 120分，佢對朋友好有心，我每講完一樣嘢，佢都會好上心，我有時會同佢呻吓工作失意， Stephen會開解我，佢講嘅嘢好有說服力，好有見識。佢對我好到個天咁好，我真係 feel到佢拎真心出嚟，好感動。」有時寧進也會成為陳志雲訴心聲的耳朵，他說：「 Stephen真係當我自己人咁。」難怪外傳他們關係密切，不過，寧進再三強調自己性取向絕對愛異性，並搬出隱形女友作擋箭牌，他說：「我介紹過女朋友畀 Stephen識，如果佢單案冇事，我都想快啲結婚冲喜吓。」寧進表示從沒企圖或意欲去求證陳志雲的性向，他說：「無論鍾意男或者女，我哋始終都係朋友，唔會過問朋友嘅私人嘢， Stephen係我亦師亦友，信得過嘅朋友，只要佢當咗你係親生仔，佢真係對你好好。」

放大圖片

寧進駕駛電單車多年曾發生過不少意外，左手手肘就留下傷痕。

放大圖片

寧進（右）大讚陳志雲是恩師，對他力撐到底。　資料圖片

想教訓迷雲黨叛徒 放大圖片

陳志雲得寵之時曾主持節目《志雲飯局》，他更捧愛將寧進做捧餐員。　《忽然 1周》圖片

昔日呼風喚雨的陳志雲近日落難，有指其他親生仔崔建邦（ Amigo）和鄧健泓為自保星途變節，寧進連忙為兄弟澄清：「我肯定冇可能，正常 Stephen對人咁好，邊個會背叛佢，真係有，我就捉佢出嚟『抦』，我私下八卦過崔建邦早幾日先同 Stephen食過飯，應該冇咁嘅事。」捲入過涉貪事件，到過老廉飲咖啡，這半年讓寧進心緒不寧，尚幸風波最終獲平息，人生上了寶貴一課，寧進日前也因為合約完結，未獲無綫續約，始終冇得留低的他感慨地說：「件事令我長大咗，唔會胡亂信人，會盡量小心啲，可惜返唔到 TVB。」

姓名：寧進（原名梁志昌）英文名： Coson年齡： 29歲出道： 02年加入無綫，打滾 8年，曾在不同劇集扮演伙記、小偷、車房工人到太監等閒角，也拍過薛凱琪《 886》 MV、廣告和電影，曝光不高，去年獲陳志雲欽點在《志雲飯局》捧餐，加上今年 3月捲入涉貪案被廉署拘捕，他與陳志雲密友關係正式曝光。資料來源：《蘋果》資料室

生財有道身家百萬

在無綫做藝員時的寧進，月入不過一萬，但周身潮着名牌，又揸靚車出入，根據資料顯示，他除私人名下擁有多個物業、三部名車，去年底和今年初又先後與友人開了兩間車行，資產總值合共 7位數字。雖然日前傳他的尖沙嘴酒吧賣盤，經濟出問題，但寧進解釋有錢賺才急賣盤，並打算將資金轉投另一些生意繼續錢搵錢。

「樓換樓賺錢」

生財有道的寧進，身邊可有高人指點？他衝口而出說：「嗰個咪我阿媽囉，細個媽咪就教我買樓投資，我嘅第一桶金係 20歲時候，我同妹妹申請政府首置買樓，首期唔夠錢就媽咪貼夠，我哋負責供樓，樓巿上升，我就係咁唔停樓換樓賺錢，最近先又換咗新樓。」寧進建議年輕人要盡快上車買樓，面對有起冇跌的樓巿，他另有一套心得：「我會專攻啲一、二百萬嘅細單位，買返嚟粉飾吓再租出去，細單位釐印費低，租金都夠供樓。」


寧進雖被無綫叮走，但不愁無收入，仍然富貴的他日前帶同價值 10萬的至愛鐵騎在其經營的電單車行門外拍照。　攝影：陳順禎