10月 7日拖仔返港周一晚上七時許，栢芝拖住 Lucas及 Quintus從溫哥華返港，早有準備的她，放風讓傳媒採訪，亦 call定兩名友人接機，負責幫手抱住兩個仔，免得在傳媒追訪時混亂受傷。
打頭陣
拉姑力阻移民 霆鋒斡旋兩月 栢芝傾掂數回港
謝霆鋒和張栢芝 11年宣布性格不合離婚，一對兒子 Lucas及 Quintus兩年來跟隨栢芝生活。去年 12月，栢芝在溫哥華 Surrey區置業，今年 8月中更帶兩子在當地辦理入學手續，種種跡象顯示栢芝有心移居加國。
前新抱移民到「冇雷公咁遠」，愛孫如命的拉姑當然唔高興。本刊得知 8月初拉姑到曼谷相約好友嘉玲嘆茶，其間談到冇得見兩孫，拉姑不停用紙巾抹淚，大吐苦水。
事情驚動到夾在中間的霆鋒，為了平息事件，霆鋒代母斡旋兩個月，提出願意給予栢芝「無限額」的兒子教育費，大前提是要兩子留港。周一（ 7日）晚上，栢芝高調地帶兩子從溫哥華返港，還一反常態笑答記者提問，看來已和霆鋒傾掂數。
真喊 VS扮喊記者的閃光燈不停閃，三歲的 Quintus受驚爆喊，栢芝即時緊張說：「你哋唔好嚇親佢呀！」坐了十多小時飛機的 Lucas反而精神奕奕，還扮喊玩埋一份，栢芝即踢爆說：「 Lucas唔好扮嘢呀！」 
高調開腔栢芝今次由溫哥華返港，罕有地有問必答。除了報章雜誌記者來採訪之外，連電視台亦收到風派記者到場。不過記者問及有關贍養費問題時，栢芝就指已交給法庭處理，不方便多講。 
上車除超早有準備戴住黑超防閃光燈的栢芝，由閘口閃到上車，最終都忍不住在車上除下黑超，隱約見到她的眼神有點疲倦。
栢芝與兩子坐七人車返回半山世紀大廈寓所。連日來大批傳媒在寓所外守候，不過栢芝都未有外出。
喊住講家事
搵好姊妹哭訴本刊得悉今年 8月初拉姑在曼谷市中心的 Peninsula Plaza，向好友嘉玲哭訴好掛住兩個孫。 09年本刊亦影到拉姑與丈夫鬍鬚 Kong到曼谷拜佛後，相約嘉玲晚飯（圖）。 
名牌餐廳敍舊此餐廳以泰菜聞名，連蘇施黃都介紹過餐廳的魚蛋粉是全泰國最好味的「高級魚蛋粉」。
滿足栢芝要求
霆鋒雖然孝順，但一直工作忙甚少陪阿媽，不過今年 5月霆鋒被影到陪阿媽到曼谷拜四面佛求事事順利。拉姑 8月亦再拜四面佛，還神之餘，亦祈求兩孫可留港居住。 
霆鋒陪母拜佛 
11年霆鋒栢芝未離婚時，都有帶兩個仔為嫲嫲拉姑慶祝 59歲生日，不過拉姑近兩年的生日都沒有孫仔一同慶祝，這張齊人合照已成回憶。
霆鋒鮮有湊仔一直以來都見栢芝湊仔比較多，有說霆鋒較喜歡打遊戲機，而上一次被傳媒影到霆鋒湊仔是 12年中，當時他還手抱住歲半的 Quintus，盡顯父愛。《壹週刊》圖片 
盛傳復合12年 9月中，栢芝與霆鋒帶同 Lucas到香港仔深灣遊艇會暢泳，栢芝三點式倒奶現身，更一度盛傳兩人復合。《蘋果日報》圖片
高調返港
證實加國有物業
決心移民 
8月本刊拍得栢芝帶兩子到溫哥華視察環境，辦理入學手續兼落戶，更在當地生活了三個月。其間三母子經常到 Surrey社區中心消閒，又與友人的兒子在草地玩耍，生活簡樸。
栢芝明年有戲拍
周一（ 7日）栢芝回港當晚，前老爺謝賢出發拍攝無綫節目《三個小生去旅行》，當記者問會否買手信給孫仔，四哥即時黑面說：「呢啲我家事，唔好問！」《蘋果日報》圖片
這幾年間栢芝所接拍的電影，票房仆直，電影公司都怕怕。停工半年的她零收入，今次霆鋒肯開出「無限額」的兩子教育費和生活費，實在令她鬆一口氣。不過栢芝亦唔會放過任何搵錢機會，她早前放風表示即將重新投入工作，明年她會開拍電影《夫妻殺手》。今次高調拖兩子回港，希望挽回「好媽媽」形象，令電影公司重拾信心。
至於剛開了張「長期飯票」的霆鋒，膊頭重擔又加了幾斤，當然要繼續搵銀。據知黃玉郎有意在明年投資一億五千萬元人民幣拍電影，講明霆鋒是首選男角，片酬幾高都物有所值。霆鋒近日亦馬不停蹄趕往杭州，擔任成龍演唱會嘉賓。為了頭家非常忙碌，就連兩子已返港，亦未有時間探望。
拉姑封口
周二（ 8日）下午五時，拉姑與友人在中環置地行街，遇見傳媒都顯得避忌，更把手放在嘴邊示意「拉埋拉鏈」封嘴，只開口說：「唔好要我難做啦！」《蘋果日報》圖片
6歲 Lucas 唔返學屬違法
8月栢芝安排保母在溫哥華的 Walnut Road Elementary School幫 Lucas辦理入學手續，本刊影到 Lucas與 Quintus在學校門口玩得好開心。
今次栢芝急忙帶兩個仔返香港，變相令已在當地入學的 Lucas突然冇學返，點算呢？本刊記者曾聯絡 Lucas在溫哥華就讀的 Walnut Road Elementary School，詢問 Lucas是否已退學，惟該校職員以學生私隱為由拒絕回應。但根據香港法律，《教育條例》授權教統局命令父母送適齡兒童入學，即 6至 15歲的小朋友一定要入學讀書，任何父母如沒有合理的原因而不遵守入學令，即屬違法，父母口頭警告無效，可被罰款 10,000元和監禁三個月。
現在已踏入十月，所有學校已開學，如果栢芝決定唔移民，必須盡快為 6歲的 Lucas搵學校做插班生！
3億 2千萬物業揸手
栢芝近年拍的電影雖然票房慘淡，她依然企硬收千萬片酬，與霆鋒一樣懂得買磚頭保值。她在香港及加國都有物業揸手，加埋市值總值 3億 2千萬，絕對是圈中小富婆。
根據當地樓宇買賣資料顯示，栢芝以個人名義於 12年 12月 18日買入溫哥華 Surrey區獨立屋，並不是一筆過付款，而是找銀行做按揭。 
撰文：娛樂組
攝影：攝影組
留言列表
{{ article.title }}
