拍拖講心唔講金， Cally大讚男友有智慧說話風趣，即使將來會俾人話女尊男卑， Cally都不會介意。
探熱針
講心唔講金 鄺美雲愛上無樓樓神
四十九歲 Cally鄺美雲終於等到遲來的春天，近日自爆覓得有情郎，與恒基兆業地產營業部總經理林達民，蜜運兩個多月，唔介意對方離過婚有個二十歲兒子，更加唔介意人稱「樓神」的林達民無樓揸手。
傳聞有五億身家的 Cally，紆尊降貴同打工仔拍拖，講心唔講金！唔怕將來俾人指指點點計身家計地位，亦無諗過要結婚：「以前我好介意人 哋點睇我，而家唔會，我鍾意咪得囉！」 Cally說。
響單身警號
拍拖僅僅度過三個月「安全期」， Cally願意大方公開，全因為另一半。
「我拍拖身邊好多朋友都知，亦唔介意俾記者知，只係唔想專登講出 嚟，但我見到有記者亂寫 嘢（指林達民有老婆），所以想講清楚。」 Cally說。
回想今年五月經朋友介紹認識， Cally說當時並沒有一見鍾情的感覺。
「因為佢公司想搞一個同珠寶 crossover嘅活動去介紹樓盤，我 哋成餐飯都係傾公事，只係覺得大家幾 啱傾。」
事隔半個月， Cally與林達民再次見面食飯，才漸漸有觸電感覺，為了「公還公，私還私」，兩人寧願取消生意合作，正式發展成為情侶。「咁多年 嚟身邊朋友一雙一對，去佛堂見到兩公婆『同修』自己都好羨慕，其實今年年頭自己同自己響 咗個警號，突然諗起年底我五十歲，仲唔拍拖，咁點算？」
男友愛運動，也感染了七年無游水的 Cally跳進水中：「我游唔到，佢會企喺度等埋我，鼓勵我。」
雖然當日 Cally為了「公私分明」，決定取消生意和林達民拍拖，但男友幫公司力谷的新樓盤「迎海」， Cally上月豪花千萬買入海景單位，以行動支持男友。
唔做煮飯婆
Cally承認過去十多二十年，一直為事業拼搏，錯過不少拍拖機會。「以前成日覺得做乜要拍拖，多個人 喺身邊阻住晒，除非你另一半同你一樣咁忙，會體諒到你 嘅工作，而家我男朋友正正符合晒呢兩大條件！」
對的時間遇上對的人， Cally說好耐未試過見完一個人，返到屋企感覺依然甜蜜回味。「我 哋試過去餐廳食飯，由七點鐘坐低，傾到凌晨三點餐廳打烊，之後返到屋企仲要講電話。」
男友只係打工仔，離過婚有個仔，就算 Cally九七年同呂良偉有過短暫婚姻，但她是城中有名的富婆，女尊男卑，難免被人說三道四，不過 Cally並未擔心。
「有錢又點？都係一日三餐一張床，以前細個會好介意人 哋點睇我，去大牌檔都唔敢，而家唔會，我自己鍾意咪得囉！」
不斷在訪問中重複「拍拖好開心」，但對於將來再婚的可能性， Cally有少少保留。「我冇諗咁遠，冇理由要我唔做 嘢留 喺屋企煮飯抹地，咁會好 嘥！」 Cally說。
9/10
戀情公開，林達民本週二出席樓盤活動，表示自己係「地產人」，性格較含蓄，雙手合十求外界給予他更多拍拖空間。
身為樓神，但林達民居然無樓揸手，過往手持的物業，只係幾百萬上落的中價貨色，現租住干德道駿豪閣單位。旁為恒基兆基副主席李家誠。
同呂良偉有過一段失敗婚姻， Cally無諗再婚問題，但要她留在家中做煮飯婆，一定無可能。
扮鬼扮馬賣樓
在恒基兆業地產營業部擔任總經理的林達民，今年五十三歲，早年從事保險業，八三年加入恒地由低做起，有超過二十八年物業銷售策劃經驗，目前是恒基物業代理有限公司董事之一。持有澳洲悉尼科技大學工程管理學碩士，以及香港理工大學管理學文憑的林達民，現時為香港地產行政師學會普通會員以及香港市務學會行政人員會士，每逢恒基新盤開售，林達民均要坐鎮，甚至要學對手「長實樓神」趙國雄，扮鬼扮馬傾力賣樓。
今時今日地產商賣樓各出奇招，林達民往往要扮鬼扮馬幫公司谷新盤，就連比堅尼胸模都要出動。
留言列表
{{ article.title }}
