以咁嘅造型去跑步，究竟想點呢？（蔡正邦攝）
編輯室手記
DR創辦人 扮多啦 A夢
2012年10月11日 ~~ 第1179期 香港《壹周刊》
有四名市民光顧 DR做咗療程之後「中毒」入院， DR創辦人周向榮即時成為新聞人物，記者上星期第一時間去佢太子豪宅搵佢。發生咁大件事，病人生死未卜，佢竟然仲有心情去跑步。記者上門之時，佢就咁啱著住一身運動服落樓去街，原來就係叫司機車佢去附近大坑東運動場跑步！
記者當時跟到佢實，一直問佢有關呢次事件嘅責任問題，但佢十問九唔應，只係一臉悠然自得咁繼續跑步。第二日，佢終於肯企出嚟開記者會，不過現場嘅記者一樣把鬼火，事關佢一直帶你遊花園。
本週一，記者繼續咬住唔放，點知佢晨早十點就出門口，又係叫司機載佢去大坑東運動場跑步。記者見佢响架車度搞咗好耐先肯落車，估佢應該係因為怕太陽曬，所以起勢係咁搽太陽油。不過，當佢落車嗰吓，簡直嚇咗大家一跳，由頭包到落腳，著住件藍色風褸，成個多啦 A夢咁。佢响球場跑咗一大輪，上番車嗰吓，相信應該無人敢埋佢身，事關佢件風褸濕到扭得出水，嗰陣味呢……
跑咗半個鐘之後，佢件風褸濕到嚇死人，記者根本唔敢埋身。（王偉洪攝）
上星期六，周向榮開記者會交代事件，但佢十問九唔答，隨即引起唔少網民鬧爆，部分更加係記者嘅心聲！
全站熱搜
留言列表
{{ article.title }}
