社交圈
好波獻給你
上週六晚，演藝學院舉行籌款晚宴，籌委主席何超瓊忽發奇想，低胸獻身唱英文歌籌錢；而阮偉文個老婆榮文蔚跟男模顧志雅單官司兩日後審結，難得佢仍有心情粉墨登場表演音樂劇，為演藝籌款六百萬。
何超瓊 胸壓全場
何超瓊與阮偉文（右）和莊士太子女莊家蕙（左）同台演唱。
近年封胸的超瓊，是夜穿超開胸的 John Galliano裙逼爆驚艷出場，明明有份揸咪唱，她卻笑笑口故弄玄虛說：「睇吓形勢先，自從十幾歲表演過後，而家係首次，個劇係教人珍惜同追求真愛。」問她是否羨慕趙式芝公開真愛？她即充耳不聞走人。
潘楚穎 長駐北京
身穿 Lanvin裙、久未露面的潘迪生女兒潘楚穎，駐守北京發展多年，經常做空中飛人忙到甩轆，問她有沒有做什麼悼念海難死者？「我有留意，但就真係無做乜嘢悼念儀式。」
刑嘉倩 擰歪面
思捷環球前主席邢李㷧長女邢嘉倩，當正傳媒是洪水猛獸，一入門口見幾支鏡頭恭候便全程擰歪面，連大會提供的布景板都唔肯企埋去俾記者影相，跟其母張天愛的高調作風大相逕庭。
邱德根孫女 素服悼念
朱玲玲 罕有 deep V
湯聖明 掹衫尾
馬主何壽南女兒何明懿年初跟邵氏影后陳雲裳兒子、飲食大亨湯聖明結婚，當日老公話太太帶埋名牌衫同袋嫁入湯家，就知她愛衫如命，所以演藝籌款夜，湯聖明唔扶住老婆搭電梯，都要幫佢拎住條裙尾。
鄭詩韻 爆料
榮文蔚表妹鄭詩韻姍姍來遲，一到場隨即抽抽心口（圓圖）防走光，然後大爆超瓊因表演要保養聲帶，少了捱罵，「佢話唔使唱 K彩排喎，我話咁你唔好鬧我嘞。（好唔好聽？）我唔敢講唔好聽囉，其實我戥佢緊張。」
全站熱搜
留言列表
{{ article.title }}
