三隻「老虎」，當年俾人話「翻版張國榮」 嘅陳志朋，殘到似鄉下佬；吳奇隆塊面硬硬 哋、頭髮假假哋；只有年紀最細 嘅蘇有朋，似番個人！
國台扮
等錢使 吳奇隆重組小虎隊
八、九十年代瘋魔萬千寶島少女 嘅男子組合小虎隊，自 1995年因隊中主將吳奇隆當兵，小虎隊無奈解散，三人輾轉到國內拍劇搵食，直至前年小虎隊重組亮相中央電視台虎年春晚，就算「小虎」變「老虎」，個個睇完拍爛手掌。
既然上世紀組合有市場，去年憑《步步驚心》四爺角色爆紅 嘅吳奇隆，決定趁明年小虎隊成立 25周年，打算舉行 15場巡迴演唱會。同歌迷敍舊為名，搵錢為實，事關由吳奇隆投資 嘅國內電視劇《新白髮魔女傳》收視口碑齊仆，傳聞投資 6,000萬人民幣製作，分分鐘要蝕入肉，賣唱填 氹只係冇辦法之中 嘅辦法！
歌酬最貴
由小虎隊年代到而家，身為「霹靂虎」 嘅吳奇隆一直最紅，所以今次開騷，歌酬分最多，傳聞吳奇隆袋 80萬人民幣，「乖乖虎」蘇有朋收 70萬，人氣最低 嘅「小帥虎」陳志朋只得 20萬。
小虎隊 1989年推出首張專輯《逍遙遊》，紅到黐 咗線，原本大好前途同錢途，可惜台灣有兵役制度， 91年陳志朋夠鐘報到，小虎隊暫時解散， 95年又輪到吳奇隆，加上當時台灣市場愈來愈多男子組合爭飯食，無謂再離離合合，三子索性散 band。
當年十八廿二，蘇有朋同王祖藍餅印，陳志朋真係幾似哥哥，至於吳奇隆，點解會似王梓軒？
石磨藍蘿蔔褲，仲有結他牛仔帽，我諗起區瑞強！
42歲吳奇隆， 响《新白髮魔女傳》入面要扮 19歲嘅卓一航，其實我唔係好接受到，不過更難頂係馬蘇做白髮魔女，由造型到眼神，我唔將林青霞同你比，起碼蔡少芬都好過你！
發老脾
自稱投資 6,000萬拍《新白髮魔女傳》，吳奇隆出席首播記者會時因為心情緊張當眾咬唇落淚，緊張血本無歸咋？
明年一月，小虎隊會 响北京開記者會宣布演唱會細節，初步打算 3個月內開 15場，當然唔少得台灣站，至於會唔會加場，要睇兩位大紅人吳奇隆、蘇有朋有冇檔期。
傳聞年底要埋位拍《步步驚心》續集，吳奇隆仲要睇實由佢自導自演俾埋錢投資 嘅新劇《新白髮魔女傳》。佢聲稱 3年前已經籌備，製作團隊全部最 top，製作費高達 6,000萬人民幣。但 9月 14日湖南 衞視首播，一面倒劣評，被指粗製濫造，女主角馬蘇更加俾人鬧冇演技。
其實套劇未出街已經多是非，有指在橫店拍攝期間，有兩名女演員被姦殺肢解，又有指吳奇隆拍攝期間經常發癲鬧人爆粗，台前幕後個個都怕 咗佢！嘔心瀝血作品冇人欣賞，吳奇隆死撐話聽到唔少支持聲音，相信觀眾會慢慢受落喎！ 
留言列表
{{ article.title }}
