探熱針
改變初衷 唔做收租佬 古巨基自用中環鋪
被業主逼遷
近年積極買磚頭的古巨基，在買屋不如買鋪的口訣下，終於以五千四百萬，將擺花街廿二號地鋪據為己有。據知業主基仔收鋪後，曾委託地產代理以十二萬八千放租，放租一個月，已有幾個租戶有興趣，甚至有人願意立即起租。點知基仔突然接獲通知，他在銅鑼灣的 ABC時裝店租約期滿，業主唔續租被逼遷；他唯有改變初衷，放棄接近三釐租金回報，改為自用。
「基仔本來想喺銅鑼灣搵番個鋪位再租，但睇咗一排都搵唔啱心水，鍾意嘅又有排先約滿，諗諗吓，佢索性將擺花街鋪位留番自己用，話到再搵到合適嘅地方，先再將呢個鋪租番出去，咁佢係業主，想點都得啦。」古巨基身邊人說。
基仔的鋪位（黃框）與謝霆鋒持有的兩個鋪位（紅框），只相隔一間，目前霆鋒尚有一個鋪位仍未租出。
基仔的鋪頭正在裝修階段，他更將部分閣樓拆除，增加空間感。
千萬分紅
早前基仔被發現與助手女友 Lorraine到銅鑼灣禮頓道睇鋪。
新鋪目前正進行裝修，預計在十月底開幕。對經營時裝生意，基仔亦愈來愈有心得，自三年前成立品牌生產自家設計後，進賬唔少，而過去他為 Giordano設計了多個系列服裝，單是分紅，更有八位數字。
賺到笑，基仔決心將品牌國際化，近期更積極引入不同外國品牌，又與被 Lady Gaga著紅的芬蘭牌子 Daniel Palillo合作， crossover出環保袋。
基仔引入 Daniel Palillo，除了 Lady GaGa有著外，早前鄭秀文都有穿著，而基仔更與該品牌合作推出環保袋。
（《蘋果日報》圖片）
在音樂會上，基仔講情史，當講到初戀女友，更忍唔住喊到收唔到聲。
喊住講舊愛
上星期六（十月六日），基仔在他就讀的聖公會林裘謀中學舉行音樂會，還「出賣」私隱，將三段情史大公開。講到同初戀女友分手後十年無聯絡，之後再通電話重拾「舊情」的情景，基仔竟然忍唔住崩潰痛哭，喊足兩分鐘都未能平復心情，要喊住唱晒成首歌。
即使時裝生意愈做愈順，四出物色地方，打算再開分店的基仔，對歌唱事業，一樣無放軟手腳。
完騷後，基仔接受師弟師妹訪問，基仔叫他們唔好淨係掛住讀書，要玩多啲。
一○年，基仔在尖沙咀開鋪，更請來好友周慧敏、林海峰及鄭伊健剪綵。
有樓有鋪
近年樓價不斷上漲，古巨基亦先後入市，購入兩個單位及一個鋪位，賬面賺過一成，連同早年買入的康樂園，現持有的物業，市值超過一億。 
留言列表
{{ article.title }}
