上週，信徒搭乘了一次情感過山車，當初人人期待10月4日有新一代iPhone 5，換來的是速度更快，卻樣子不變的iPhone 4S，心情難免跌落谷低。但在不足24小時後，SJ、iPhone 4S、忽然又成為搜尋字的top 3！
2004年Steve已證實患上胰臟癌，就算多努力、多有天分，病魔對所有人也一視同仁。我們偉大的教主經多年抗戰，終於逝世。網友靈機一觸，發現平平無奇的iPhone 4S暗中代表了「iPhone for Steve」！那有不支持的道理？
喬布斯啊！你真的太愛了，連死期也預先安排好嗎？要盡最後一口氣幫iPhone 4S一把嗎？臨走時會否仍然記掛道：「我已看不到iPhone 5面世了，接下來交給你們了……」
《FACE》Gadget版監修人
903 DJ Donald
Steve Jobs嘅離開好突然，當日有朋友特登通知我，覺得好傷感。當佢離開咗先真正感受到佢為呢個世界帶嚟好多轉變，所以iPhone 4S一出我會搵朋友幫手喺外國買部，紀念呢位對世界咁重要嘅人。
香港果友齊哀悼
一個將電腦公司包裝為潮流×科技集合體的生意人，為Mac友帶來無盡驚喜的發明家，多次改寫人類科技生活的不世奇才─喬布斯（Steve Jobs）離教友而去了。各人用不同方式送別，有人傷心痛哭、有心人到 Store獻花，以各種方式送上最後的敬意。
陳嘉桓蘋果迷經歷：3年擁有蘋果產品：iPod Touch、iPhone 3、iPhone 3GS、iPhone 4（黑、白色）、iPad
我讀書時已買iPod Touch，好方便，有WiFi就可以上網。Steve死咗梗係可惜，以後發布會冇咗教主，就令班fans少咗期待。聽網民講話新出部iPhone 4S，其實意思係iPhone For Steve即係紀念佢喎！
Macitizen會長 Derek 蘋果迷經歷：30年
我鍾意時正值喬布斯出走時期，所以比其他fans抽離啲。不過佢真係影響全世界，過程仲要係喺短時間內，出完iPod到iPhone到iPad，佢嘅離開好比MJ死時震撼。
App Developer Ivan 蘋果迷經歷：4年
我唔算係蘋果gadget迷，反而欣賞佢令寫程式呢件事變得更好玩，更stylish，以前你話係寫程式嘅會冇人理，但係話寫iPhone app即刻升格，多謝佢為業界所作嘅貢獻。
ifc致哀fans 黃小姐蘋果迷經歷：6年
今日特別嚟store行個圈，為佢做啲嘢，作為fans難過係以後見唔到佢講keynote，而唔係怕佢走咗新機會失色，希望Steve Jobs家人唔好太難過。
少爺占蘋果迷經歷：6年擁有蘋果產品：iPod、Mac Book、iPhone 4
佢嘅產品為好多從事設計同創作行業嘅人帶來方便，佢走咗梗係可惜，我諗以後每次用嘅產品都諗起佢永恆嘅黑衫加牛仔褲look。
謝天華蘋果迷經歷：6年擁有蘋果產品：iPod、iPhone 4、iPad 2
喬布斯經過事業高低起跌，又捱過癌症折磨，佢一生好傳奇。我老婆係蘋果忠心fans，我第1部iPod都係我老婆送，用到家都唔捨得丟。
全球痛哭
蘋果教主殞落，連美國總統奧巴馬都表示痛失英才，何況一眾追隨教主多年的忠實粉絲，傷心程度更甚。10月5日教主離世消息一出，世界各地粉絲紛紛拎住鮮花同燭光到 Store悼念。而網上更群情洶湧，不論本地的高登討論區，國內的微博，還是外國的facebook、twitter，都有各式各樣的悼念活動。喬布斯作為一個品牌創立人，能夠受全球人類如此厚待，李超人一世都恨唔到！
美國
香港
英國
倫敦店外亦擺滿彩色鮮花，紀念教主離世。
法國
巴黎掛上黑色蘋果旗，粉絲放上白玫瑰哀悼。
中國
唔只香港，北京民眾一樣愛戴教主，三里屯店外堆滿菊花，可見心意。
南韓
粉絲於蘋果店外，貼上寫滿哀悼字句的字條。
日本
有東京民眾在蘋果店外雙手合十，為教主送上祝福。
馬來西亞
吉隆坡店外擺放巨型教主離世海報，更設有櫃枱予粉絲寫紀念字條，貼到海報上。
澳洲
有信眾在悉尼店門外擺上花盤及心意咭，向教主作最後致敬。
微博
twitter
唔少明星都有提及對Steve的懷念，好似日韓天后BoA同另一SJ，Super Junior都有。
高登
相對其他網站冇咁嚴肅，有巴打用紙紥iPhone、iPad懷念Steve Jobs。
iPhone 4S iPhone 4 (For) S (Steve)
發布會當晚，唔少睇live blog嘅朋友知道iPhone 4S外形冇變即刻瞓覺。第二朝大叫「已死！」，對新功能亦不屑一顧。到Steve Jobs 離去，支持者饒有深意地講「iPhone 4S=iPhone for Steve」必買紀念。Steve Jobs如其他偉人一樣有人歌頌有人恨！如今人已去，靈魂猶在，iPhone 4S作為首部「後Steve Jobs」iPhone依然會係世界焦點。
s p e c .
作業系統：iOS 5 制式：3.5G、GSM四頻、CDMA 處理器： A5 1GHz雙核心屏幕：3.5" Retina顯示鏡頭：800萬像素（後置）/VGA（前置）記憶：內置16/32/64GB 體積：115.2×58.6×9.3mm 重量：140g 香港發售日期：2011年底
iPhone 4S新功能新U加速反更長氣
一如傳聞所料，新機轉用iPad 2雙核心圖像處理器，處理遊戲速度快iPhone 4七倍。不過Android那邊都就快出四核心手機，好在iPhone 4S叻在快得嚟粒電仲要勁咗，3G通話時間由舊版7小時延長至8小時，2G、3G上網速度都有所提升。唔少人都話CPU愈多核心用電愈多，4S仲係用雙核可能有佢道理。
800萬像素相機
發布會落得最多嘴頭係強化鏡頭，先講網絡相簿flickr用家，其實用iPhone影相多過拎單反，再講後置鏡頭由500萬像素提升至800萬，拍片亦由720p提升至1080p兼加防震。並採用全新CMOS感應器，感光度提升73%，追加新鏡片令影像更銳利清晰，仲話係世上連拍最快嘅手機鏡頭，影完一張唔使等。
Another S語音助手Siri
硬件規格，從來不是強項。創意，先係Steve Jobs成為偶像嘅本質。唔少人覺得4S就係差啲創意，其實可能大家都忽略咗新功能語音識別助手Siri嘅獨到之處。佢不單識聽仲識解，你問佢答，口講就做到覆SMS、開GPS問路等功能。係！初期只對應英、法、德3語，冇中文，但萬事起頭難，畀啲時間話唔定又係另一改變手機發展史嘅新功能。
Siri示範句子 Send SMS
一將tell同人名一齊講，Siri就會了解到你想send SMS，就識將內容直接打做短訊。示範句子：Tell Kate I will be there in 30 minutes.
問股價
想check蘋果股價有冇因為Steve大跌？問佢「How's XXX stock?」就會彈去股票app，仲識講埋升跌畀你聽。示範句子：How's Stock?
開飯搵餐廳
問啲抽像啲嘅問題都得，例如想食意大利菜叫佢搵餐廳都一樣掂！示範句子：I'm in the mood for Italian food in North Beach.
果迷談後Steve Jobs時代
好多人心目中同Steve Jobs之間劃了等號，擔心Steve走了，亦失去了靈魂。今次iPhone 4S發布會由新CEO Tim Cook主持，資深果迷Macitizen會長Derek就覺得合格收貨，亦唔擔心前景：「炒過Steve Jobs搞到差啲破產，令佢哋好知道Steve嗰一套係公司成功關鍵，就算家佢離開咗都會保持番佢嘅管理模式同理念，唔怕會因Steve離去走樣。」
喬布斯遺作iOS 5
雖然Steve Jobs無緣見證iPhone 4S面世，但生前就積極參與過手機之魂iOS 5.0，仲做過keynote講iCloud等新功能，可以話係遺作。用家們10月12日就可以update，iPhone 4同3GS用家一樣玩得，新功能逾200項，支持者一定要試盡向Steve作最後致敬。
App Developer：飛走PC靠iCloud
身為app程式員嘅Vitor同Ivan對於iOS 5最感興趣嘅新功能就係iCloud。「iCloud呢類雲端應用寫起上嚟非常複雜，iOS 5 Beta咗8次就係因為佢。照片、文件等生產性工作都可以無線上傳，唔使同步iTunes做backup，進一步走近飛走電腦嘅後PC時代。另外，iCloud上嘅檔案iPhone、iPad、Mac/PC都可上網拎番，加強iDevice之間聯繫，真係引到人用晒全線蘋果產品。」
4大iOS 5新功能 News stand
兩位developer都整緊電子雜誌，特別推介Newstand，佢將雜誌、刊物類app從App Store中區分，用家可以以訂閱形式付款，每逢有新一期就會自動下載更新，更為方便。
全新Safari
主要改良有3點，分頁功能唔使多講，仲有將網頁暫存供下線時閱讀嘅reading list功能，以及飛走多餘圖片同介面嘅閱讀器功能，iPhone 4S芒冇大到，但瀏覽網頁都會更方便。
強化相機
可以按音量鍵控制快門，不用再好辛苦咁篤芒影相。新增修改圖片、臉部偵測、構圖輔助等新功能。另外鎖定畫面多咗個相機圖示，按下直接進入相機操作。
通知中心
未接來電、短訊、電郵、日程表等新通知會在畫面上面彈出小圖示，同Android一樣咁方便。新通知會在鎖定畫面顯示，亦能在畫面上方拉下通知棒檢視新通知。
4S市況展望紀念有潛力
回顧Steve傳奇一生之餘，亦留意暫時多數意見都對iPhone 4S持觀望態度。外形不變，爆趣新功能Siri唔對應中文，尤其睇機能嘅手機迷更易偏向Android陣營，先達水貨王Lo哥都話反應會差過上一代。不過亦有人話要紀念Steve Jobs，等唔到年尾香港出，搵親友、自己飛過去London Store第一時間入手。正如Steve畀炒魷時都冇人估到佢能再上高峰，咪咁快批死iPhone 4S呀！
iPhone 4S 第一時間入手方法
監修當奴就好想星期五10月14日發售當日即刻買到iPhone 4S紀念Steve Jobs，如果你同佢一樣都咁心急的話，亦可以試吓以下途徑搶購iPhone 4S。
飛去買
4S首發國家為美國、加拿大、澳洲、英國、法國、德國、日本，當中英國同加拿大都有無鎖版發售，可以托親友或者自己飛去當地 Store買。兩地嘅網都公布咗16GB版售價，英國為499英鎊（約$5,998），加拿大就賣649加幣（約$4,988）。
光顧水貨店
先達水貨店已準備派人到外國掃機，正式發售後2至3日有貨，預計價位約$8,000。不過連Lo哥都話今次唔會掃過百部，只會小試牛刀入40部，目前已有30個客話想要。數量咁有限，話唔定真係因為Steve Jobs過身炒得起。
用家點睇換機派
非換機派
舊機減價回收價未大跌
雖然4S香港年尾至有，不過舊型號已全面減價，ifc旗艦店同網上 Store已更新價錢，iPhone 4 16GB由$4,988減至$4,688；32GB由$5,888減至$5,088；最抵係3GS，由$4,088減至$2,888，一樣up到上iOS 5，買畀老人家、小朋友學玩smartphone可以諗吓。至於想放機嘅朋友都未算遲，iPhone 4回收價並冇因4S公布大跌，只跟官方減價小跌，反映等換機客唔算多。
二手回收價update
iPhone 4 16GB 舊價：$3,300-$3,400 新價：$3,100-$3,200 iPhone 4 32GB 舊價：$3,400-$3,500 新價：$3,200-$3,300 iPhone 3GS 舊價：$1,800 新價：$1,500 （資料提供：G-World） ####
Drawing by RMIT Melbourne student LO ON LO
不少信徒去到教主位於加州矽谷（Palo Alto）的大屋外，擺放鮮花致哀。
有中國留學生於蘋果總部，用燭光砌起教主的「喬」字作紀念。
於紐約蘋果店門外，粉絲點起蠟燭及擺放鮮花悼念。
10月7日Steve離世一天後， Store提供memo貼紙讓途人寫下感受。
擺放於ifc旗艦店門外的鮮花祭品，並沒遭商場保安丟去，繼續向Steve獻上敬意。
在fb上只要一打RIP（Rest in Peace）就會見到無盡個懷念Steve的群組，大家也希望他能夠在天國安息。
部分fans就轉載了一些自製的弔唁照片，好似由iPad跟鮮花砌起的祭壇。
也有人用小丸子的故事，帶出對Steve的懷念，還提醒在這段時間SJ是代表Steve Jobs，而不是Super Junior。
微博十分之有心，不單設有專頁悼念Steve，而且還在每個用戶的首頁頂部，加設banner，令所有童鞋可以一同悼念。
還開了專用視頻，不停轉播世界各地的悼念活動和新聞報道，夠晒給力！
新U可以發揮更強大圖像效能，12月出嘅《Infinite Blade 2》會係試金石，到時可能勁到iPhone 4都玩唔掂。
拍片升到1080p加防手震，設計師話防震技術其實好難搞，單反鏡頭加個防震都貴幾千，呢個新技術算有誠意。
Present時又拉埋Nikon、Canon落水，顯示iPhone影相用家數量大勝單反用家，算係今次發布會少有寸嘴位。
試相官方提供sample一定靚到痹，睇落有少少淺景深添！
示範影片，跑步者用handsfree預約2點開會，Siri懂得回答2點已經有預約，仲識反問要不要改時間，相當人性化。
翻查舊片，原來早喺1987年一段預視未來產品嘅廣告中，出現過聲控tablet，嗰時唔知點解用男人樣男人聲？好在家陣Siri用女聲順耳好多。
Macitizen會長Derek 由1987年買入 II開始成為迷。
CEO Tim Cook表現淡定。不過介紹iPhone 4S時間意外地少，交畀同事講多，可能今後玩團隊精神唔再造神。
iPhone 4第一水高峰時期可炒至$20,000，4S反應暫時睇差好遠，預計首批賣$8,000至9,000。
英國16GB賣499英鎊，同iPhone 4首發時一樣價錢，預計4S正式在港發售價錢都唔差幾多。
London Regent Street Store，買機順便朝聖都係一個好地方。
成功炒家 Roger 上年炒iPhone賺咗幾萬蚊嘅Roger就話想換4S，但係驚炒唔起。「自己想換機，想睇吓雙核iPhone嚿電會唔會比Android耐用。不過就驚大陸同香港發售日相同，炒唔起！」
年輕粉絲 Vinci 玩iPhone先識嘅後生user Vinci就表示唔考慮其他手機。「想轉新機呀！家份約都就快完，如果上台有零機價會即刻換。試過玩Android都係玩唔掂，應該會一路用iPhone。」
手機拍攝達人 Suki 用影相app Instagram上晒癮嘅model Suki就冇打算換機：「iPhone 4對我嚟講已經好夠用，影相app好玩就夠。其實我最期待係佢換咗粒Home掣，我家呢粒都壞咗，希望下年會有一部冇掣嘅新iPhone。」
隔代換機light user Samson 任職手機鋪嘅Samson見慣勁機，唔鍾意追新機。「家iPhone、Android二分天下，Android用家鍾意追新款，但iPhone用家反而慣咗用1、2年，我自己就隔代換，3G冇換3GS，去到4先換。4S都係會忍手先。」
ifc Store已經減價，iPhone 4 16GB $4,688，iPhone 4 32GB $5,088，iPhone 3GS 8GB $2,888。
iPhone 4S香港頭兩輪都冇份，新機最快10月14日於頭7個國家發售，香港連28日嘅第二輪都冇份，要等到年尾。
留言列表
{{ article.title }}
