娛樂八掛大放送★

Stephy亦喺微博度話自己接拍內地劇，並且係用iPad睇劇本。既讚自己夠潮之餘，亦暗嘲Theresa落後。

千祈唔好睇小女人嘅仇恨心，好似鄧麗欣（Stephy）同傅穎（Theresa）呢兩位「過去式」好姊妹，就鬥咗足足三年，最近仲傳出Stephy拉攏餅碎成員封殺Theresa㖭！呢啲是非冇得證實，不過佢哋的確經常撞到應。繼年前相繼走音後，近日佢哋又齊齊轉型唱快歌。不過Stephy俾人讚「終於冇走音」，而Theresa就俾人揭舞步抄襲韓國組合。

 
贏咗一仗嘅Stephy似乎想追住Theresa嚟打，早前Theresa喺微博發咗一張電影《Beach Spike》劇本嘅相，話自己即將要埋首拍戲。過幾日，Stephy就喺微博宣布拍內地劇。嗱，成件事嘅重點係佢發放咗一張素顏拎住iPad嘅相，話用iPad嚟睇劇本比較方便同環保，暗寸Theresa嘥紙。

Theresa只係喺微博講自己即將開新戲，及將新戲劇本放上微博，竟然引嚟死敵Stephy嘅追擊。

同我鬥？慳啲啦！（設計對白）

哼，有鬥未為輸！（設計對白）