娛樂八掛大放送★

29/7
黃伊汶得媽咪（左）遺傳好身材外，首度投資創業，亦得媽咪傳授生意經。

有個猛料阿媽撐腰的黃伊汶，繼早前拍住「黃阿媽」投資中環蒲場，最近更動用私己積蓄，以300萬成功洽購意大利品牌手錶亞洲區代理權，將品牌引入香港，自己錢真金白銀，由入貨、驗貨、會計、宣傳，黃伊汶一手包辦。
愛女進軍商界，「黃阿媽」將自己在中環開設的美容院一半寫字樓，借給Emme做辦公室，讓她慳番一筆，唔使捱貴租，又唔怕俾業主趕。

封蝕本門
近年無乜曝光的黃伊汶，除了早前到了福州一個月拍內地劇，其餘大部分時間，都花在其新引入的手錶生意上。
「舊年Emme去意大利旅行，喺間鋪頭睇中咗隻水晶手錶，佢覺得個款好獨特，於是[舌累]老闆娘賣個代理權俾佢，前後都花咗成半年時間，先傾到個亞洲區代理權，之後要同大型商鋪傾合作，搞宣傳，有排煩！」黃伊汶身邊人說。
做生意無經驗，投資隨時血本無歸，為封蝕本門，黃伊汶事事親力親為，還有「黃阿媽」做創業顧問。
「Emme由細睇住媽咪做生意，佢當媽咪係偶像，覺得佢好有生意頭腦。依家Emme媽咪一個人睇實三盤生意，包括兩間夜店（Sugar及Shake Shake），又有一間美容院，經驗豐富，今次佢真係過咗唔少料俾個女，好似呢排要請人，佢媽咪都有幫眼俾意見。」

阿媽做水泡
為了進一步減低風險，「黃阿媽」更將自己在中環開設的美容院一半寫字樓，供Emme做辦公室。
「佢媽咪將公司啲寫字枱搬埋一邊，空出咗一半地方出嚟俾Emme擺飾櫃、寫字枱同電腦，兩個office係獨立，Emme嗰邊都有搵人重新裝修過。兩母女一齊做嘢，最方便係遇到難題，可以即刻搵媽咪做水泡。」
有「黃阿媽」背後發功，手錶生意短短半年已經回本，近日更再度擴充，由原本只在I.T及Joyce九間鋪有售，擴展到Sogo及連卡佛。
「依家每個月都賺到成八十萬，因為咁快賺到錢，Emme對做生意嘅興趣亦愈嚟愈大，下個月會將品牌推去埋新加坡、雅加達、北京，年底仲會喺日本搞錶展。而家Emme同朋友聚埋都講生意經，搞到佢啲朋友都想入股。」

 
開業資料（09年12月）
代理權︰160萬
入貨︰100萬
廣告宣傳︰30萬
總投資︰290萬
裝修（10年7月）︰40萬

營業資料
營業額︰180萬
入貨︰60萬
租金及人事管理︰15萬
人工（4售貨員、1會計、1文員、1顧問）︰16萬
廣告︰10萬
盈利︰79萬

母女食完晏即孖住返回中環威靈頓街的寫字樓繼續工作。

30/7
得媽咪教路，黃伊汶明白力不到不為財，除親自督促員工，自己亦落手落腳搬貨。

凌晨一時多，Emme仍親自為即將開業的Sogo手錶counter粉飾。

上月濱崎步來港便一次過買了五隻Galtiscopio手錶返日。

由媽咪借出的一半office，經Emme重新設計裝修，除了有自己辦公室，還有兩間房是其他員工使用及會議室。

上月黃伊汶到福州拍內地劇《華麗上班族》，老闆兼財經界名人梁鳳儀（左二）亦有探班。

拍內地劇收入豐厚，Emme更將片酬錢搵錢，有腦。