剛過去的星期日一宗普通交通意外，斷送了一個九個月大 BB的小生命，看見爸爸失控自責，令人心酸。恨錯難返，誠勸家長不要怕麻煩，一張兒童汽車安全座椅的確唔慳得。市面的款式選擇繁多，揀邊張唔係由家長話事，張傑醫生建議帶埋 BB親自試坐就最 Perfect。記者：許維雅攝影：林栢鈞模特兒： Isaac
價錢其次 BB坐得舒服最要緊
不少爸爸都會為 BB買嬰兒車，但安全意識向來薄弱的香港人，願意買一張嬰兒汽車安全座椅的人確實不多，要到發生意外時，才醒覺一張 BB Car Seat有幾重要！市面的選擇很多，一般由嬰兒用品中心或汽車品牌代理提供，不同品牌的價錢分別都幾大，其中分散力度較好的五點式安全帶當然比三點式安全，而帶扣及織帶調整器等硬物當然越少越好。「其實無所謂最佳設計，價錢平貴亦唔代表一定最啱小朋友，座椅只要合適身形及體重，小朋友坐得舒適已經係最好，所以最好帶埋小朋友一齊揀，等佢哋試坐。揀啱後點裝上車當然亦係非常重要，大部份款式的安裝方法大致類同。」
放大圖片 
放大圖片 
兒科醫生張傑
安全 Check Point
放大圖片 
■將安全椅放於後座，檢查是否平穩，確保接觸面達 85%以上。
放大圖片 
■拉長汽車安全帶穿過安全椅底部後扣緊，將安全帶拉緊及左右搖晃座椅，確認是否安裝穩固。
放大圖片 
■大部份安全椅背部都有保險安全扣將安全帶鎖緊，記住唔好漏。
放大圖片 
■抱 BB坐上，確保座椅空間適中，不能太逼，兩邊側翼及椅背高度有適當支撐，最後扣上安全帶。
年齡三級制 RECARO最受歡迎 放大圖片 
Isaac爸爸 Edward
用家 Edward：「我揀 RECARO因為品牌有過百年出名製造賽車座椅經驗，安全程度較有信心保證。其實日本品牌如 COMBI及 MINIMOTO都幾好，其中 Pamio Uno設計不錯，保證日本製造，符合歐洲安全標準。另外揀安全椅時要試試安全帶扣係咪容易操作，因經常要抱 BB上落，太難扣或解會好唔方便。」其實大部份款式趨向 5點式安全帶及有軟墊保護的肩帶，更會列明所適合的 BB重量，根據歐洲的安全標準，大致分為三個級別的年齡層。
第一類：嬰兒 放大圖片 
■ Pamio Uno BB Car Seat $2,200（ d） 0至 18公斤（約 0-5歲）
適合初生嬰兒使用的安全椅有兩類，第一類是可用到 5歲；第二類只可用到 18個月大。前者有軟墊拆開，隨小朋友成長而加減，較合乎經濟原則，所以較受歡迎。 9個月以下的嬰兒使用時，專家建議最好將安全椅的方向背向車頭。
放大圖片 
■ Inglesina BB Car Seat $2,390（ a） 0至 13公斤（約 0至 18個月）
放大圖片 
■ MINI Baby Seat 0+$3,990（ c） 3-13公斤（約 0至 18個月）
第二類：幼童 放大圖片 
■ MINI Junior Seat I-II$3,650（ c） 9-25公斤（約 9個月至 7歲）
適合 9個月至 5歲幼童使用，一般都有 3至 4個不同斜度調校。而平治 Duo Plus更有自動識別系統，配合汽車配備，於撞車時可防止彈出安全氣囊撞擊安全椅。張醫生覺得 MINI推出以軟枕代替 5點式安全帶保護的設計會比較舒適，亦可減低安全帶勒傷小朋友的機會。
放大圖片 
■ BEBE CONFORT ISEOS TT Car Seat$2,490（ a） 9-18公斤（約 9個月至 5歲）
放大圖片 
■ Mercedes-Benz Duo Plus$4,700（ b） 9-18公斤（約 9個月至 5歲）
第三類：小童
適合 3歲或以上小童，一般家長都覺得需要程度較低，所以選擇較少。張醫生提醒使用這類安全椅時，不要讓安全帶繞過小朋友頸部及束住肚仔，而耳朵不可超過椅背高度，確保可以完全保護頸部。
放大圖片 
■ RECARO Child Car Seat $3,190（ a） 15至 36公斤（約 3至 12歲）
放大圖片 
■ Mercedes-Benz KidFix $3,300（ b） 15至 36公斤（約 3至 12歲）
查詢：（ a） 2628 3393（荷花親子中心）（ b） 2895 7288（仁孚車行）（ c） 3193 6800（ MINI HK）（ d） 2576 8380（ BabyMatrix嬰兒用品中心） 
■ RECARO Start 0+ Car Seat $5
留言列表
{{ article.title }}
