周慧敏昨晚出席新片《得閒炒飯》活動時，坦言老公倪震看過其親熱預告片也表示很激，她強調自己並非豪放女。吳君如近日被指與陳小春不和，她即自封是友誼小姐，力斥報道無聊白癡兼恐怖。

其他娛樂名人影片

吳君如、周慧敏、陳偉霆、萬綺雯及谷祖琳等主演的電影《得閒炒飯》獲「第 5屆夏日國際電影節」選為開幕電影，昨晚眾演員聯同導演許鞍華在圓方出席開幕禮。

力斥無中生有放大圖片
谷祖琳（左）與萬綺雯盛裝出席新戲開幕禮。

谷祖琳（左）與萬綺雯盛裝出席新戲開幕禮。

陳小春日前出席完吳彥祖婚宴，在微博爆粗鬧一位姓吳的女前輩「不知所謂」，有報道指君如在婚宴上直斥小春是票房毒藥，君如對此沒好氣說：「第一日已經有人打畀我，聽完覺得好無聊，跟住做咗幾期雜誌內容，加咗一億個無聊，我回應呢件事都嫌白癡。」君如強調不會對號入座，並指這單新聞是極度無聊、白癡、無中生有和恐怖，她說：「嗰晚根本冇事發生過，我好晏去到見到小春，仲打招呼恭喜佢結咗婚，就係咁。」她強調與小春並無過節，更自稱一向是友誼小姐，從不與人結怨。

周慧敏感心跳放大圖片
（左起）周慧敏、許鞍華、吳君如及任達華老友鬼鬼，合照留念。

（左起）周慧敏、許鞍華、吳君如及任達華老友鬼鬼，合照留念。

周慧敏被指穿的長裙很透視時即擔心地說：「睇唔睇到呀？我有打底，我係穩陣派。」周慧敏在戲內有不少激情演出，昨晚未見其夫倪震捧場，是否怕尷尬？她說：「佢有嘢做先嚟唔到，正式首映再請佢睇。」周慧敏表示只在配音時看過接吻戲，她說：「老公睇過預告片，都話好激，但係佢冇畀評語，好冷靜，睇完場戲只係話『嗯』。」她又說：「我好耐冇喺大銀幕出現，睇特別場口會心跳加快。」她又指 fans覺得很大膽，她說：「我叫 fans可以放鬆，我唔係豪放女，部戲唔係標籤同性戀。」此外，任達華昨晚撐完《得閒炒飯》，又到荃灣出席有線高清世界盃祝捷會。採訪：魯萍、何慧斯攝影：黃文偉

穿透視裙的周慧敏（左）比起低胸的吳君如搶鏡，不過君如一講小春（小圖）即成焦點。

吳君如重酬搵證據

陳小春早前出席吳彥祖婚宴後，在微博表示遇到一名不禮貌的「吳姓前輩」，全城矛頭直指吳君如！昨晚君如偕周慧敏、萬綺雯及陳偉霆等出席《得閒炒飯》首映時說：「愈作愈大，無中生有，無事生非，只係一個人講咗一句嘢就有無限嘅空間，一億個無聊！（嗰晚有冇同小春講過嘢？）我見到佢只係恭喜佢結咗婚，嗰晚我好夜去，同每個人打個招呼，已經差唔多要走。」她自言是「友誼小姐」，沒有跟任何人結怨：「如果當晚有人目擊又影咗相、錄咗音，我重酬！」至於小春日前在內地出席腕錶活動時表示，選擇腕錶時同樣注重功能及外觀。