熊黛林同Angelababy本來是同門姊妹，兩人同屬經理人阿Kim旗下的Style Model，而向來是公司一姐的熊黛林，眼見師妹Baby越撈越掂，寫真賣得之餘，更成功登陸日本，做CM（廣告）女王，形勢日見懸殊，愈睇愈唔對路的熊黛林除了拒絕再與Baby同場合作，更轉攻台灣，夥拍言承旭接拍偶像劇，爭一日長短。
眼紅爬頭
一山都不能藏二虎，同屬Style Model的熊黛林和Angelababy，本來相安無事，河水不犯井水，但自從公司安排Baby簽約日本Avex後，見師妹走勢越來越勁，自己雖然有天王嫂地位，但被Baby逐漸逼近的熊黛林開始眼紅。
經過一年時間，Baby終於在日本打響名堂。星期二（七月廿七日），護髮品牌沙宣在東京原宿舉行大型記者會，正式公布Baby頂替日本天后安室奈美惠做亞洲區代言人。
記者會吸引超過百名傳媒採訪，Baby更處女開聲，以英文同日文唱出廣告歌《Beauty Survivor》，又唱又跳，加上Avex大灑金錢買下東京多個地標大型廣告牌，又特別出書詳細介紹Baby，令她在最短時間內已廣為日本人留意。
耿耿於懷
Baby無論香港、日本同大陸都開始走紅，事業發展全面向好，雖然下半年要在日本長期作戰，但早已講明會爭取檔期接戲的Baby，明顯不讓師姐熊黛林獨大。其實去年Baby接拍黃百鳴的賀歲片《花田囍事2010》，雖然在宣傳擺位上與熊黛林平起平坐，但因戲份以Baby較多，亦曾令熊黛林耿耿於懷。
「阿Lynn（熊黛林）覺得自己拍過嘅《葉問》咁收得，而Baby只係新人（電影上），冇理由戲份會多過自己，雖然當時電影公司解釋因為同期佢要拍《葉問2》，度唔到期同埋唔想佢太辛苦，所以先冇咁重戲份，但阿Lynn仲係唔開心。」知情人說。
自此，熊黛林決定唔再同Baby合作，所以在最近半年，兩人除了必要的公司活動外，已經再無同場，就算有電影想找二人一齊演出，熊黛林都唔肯接，免得再被人比較。
度身劇本
為保住一姐地位，最近熊黛林落實以一千萬台幣（約二百五十萬港幣）接拍台劇《拜金女王》，夥拍型男言承旭，上星期，她更親身飛到台灣洽談合約。
「阿Lynn本來想主力拍電影，但係睇完《拜金》個劇本之後，佢好鍾意個角色，佢做一個喺錢同愛情之間做選擇嘅名模，覺得完全係為佢度身訂做，同埋男主角係言承旭，個劇又會飛到去法國拍外景，最重要係製作公司出到一千萬台幣，又保證會幫佢進一步打開台灣同大陸市場，所以阿Lynn先肯答應演出。」幕後工作人員說。
對於同門師妹Baby最近在中、港、日都大受歡迎，曾經多次合作的熊黛林竟然刻意劃清界線，「我同佢（Baby）唔係熟，淨係喺微博度有關注佢。（羨唔羨慕Baby同黃曉明關係咁公開？）唔會喎！」對外間將她與Baby作比較，熊黛林明顯介意。
攻打日本
日本藝能界市場龐大，過去不少香港藝人亦成功登陸日本掘金，進一步開拓東南亞市場。
一山不能藏二虎
份屬同門的熊黛林及Baby勢成水火，其實，同公司的藝人為上位，而將同門對手趕絕，爭寵、不和事件，過去亦屢見不鮮。
Yeah！掂咗！（設計對白）
去日本好叻咩！（設計對白）
上星期熊黛林到台灣傾新戲，順道去台灣必到的誠品書店朝拜。
早前熊黛林與《Sex in the City》造型師Patricia Field會面，新劇《拜金女王》將由她擔任美指。
拍《花田囍事2010》時，熊黛林因為戲份不及Baby多而唔開心。
星期二Baby在日本舉行沙宣代言記者會，席間更又唱又跳，同時更宣布進軍日本樂壇，推出單曲。
熊黛林將會與言承旭合作新劇，該劇更會遠赴法國拍外景。
熊黛林與Baby不和，經理人阿Kim（右）成為磨心，要諗計安撫兩女。
aby與熊黛林在公司春茗上，還一齊玩Wii遊戲機。
熊黛林有份演出的兩集《葉問》都大收。
上月熊黛林與Baby出席公司model比賽活動，兩人經記者三催四請先肯合照，其間兩人面左左無交流。
去日本前Baby在上週六為寫真集舉行簽名會，現場出現一名翻版黃曉明fans。
陳美齡
陳美齡是第一代攻日的香港女藝人，72年獲邀到日本灌錄新歌《草原光輝》，並勇奪日本唱片新人獎，後來一直在日本藝能界發展，86年，下嫁經紀人金子力。
陳慧琳
成功開拓日本市場，接拍多個日本廣告，包括資生堂、手提電話、眼藥水等，是首個過江的CM女王，在日本站穩陣腳後，曾與深田恭子合作拍日劇《鬼之棲家》，及與日本型男竹野內豐合作電影《冷靜與熱情之間》。
王菲
99年，王菲為電子遊戲在日本推出單曲《Eye on me》，一鳴驚人。後來又打低日本五位當紅女星深田恭子、藤原紀香等接拍J-phone廣告，其大碟《Final Fantasy》更在日本登上全年最佳銷量，突破500萬張，01年更接拍日劇《大話姻緣》。
鄧麗欣、傅穎
同是餅女出身的Stephy、Theresa，入行初期情同姊妹，分開發展後，二人爭寵是非接踵而來，去年金牌地震，有太子基撐腰的Stephy郁手，慘被杯葛的Theresa最後提早與金牌解約，轉投星皓。
關心妍、周麗淇
本來備受BMA力捧的關心妍，自05年周麗淇加盟後即被打入冷宮，關心妍更曾於blog內說自己「唔識擦鞋」，暗寸周麗淇靠擦上位。
衞蘭、JaniceMan
同屬黎明A-music旗下的衞蘭與JaniceMan屢傳不和，二人合作公司新戲爭戲份，連保母車都鬥一餐，關係勢成水火。
林峯、古巨基
古巨基去年加盟英皇，與林峯成同門兄弟，近日有傳林峯受無綫夾硬谷，年尾將與古巨基爭男歌手獎。 
留言列表
{{ article.title }}
