娛樂八掛大放送★

周秀娜繼書展被拒諸門外後，日前貿發局又有新動作，再以Chrissie（周之洋名）出過寫真、拍過電影，有知名度為原因，禁止她現身動漫電玩節，反而放生其他o靚模可以自由出入。擺明目標大俾人祭旗，Chrissie坦言唔介意「降呢」，由o靚模變奀模，無理由得佢一個做替死鬼啫！

見招拆招
今年貿易發展局先下手為強，禁止o靚模在書展搞簽名會，周秀娜改以流動簽名車見fans兼谷書，成功令3D寫真《Les Vacanccs d'Amour》，在短短一星期銷量衝破三萬本。
舟車勞頓成個星期，一心諗住動漫電玩節開鑼（七月三十日）可以有瓦遮頭，歎冷氣開工，點知貿發局又以周秀娜出過寫真、拍過電影，有知名度容易造成混亂，於本週一（二十六日）頒下「封殺令」。連環被針對，Chrissie自嘲甘願降呢配合，打回原形變番昔日無名無姓奀模：「最多去灣仔區做番『翻版樂基兒』囉！」
一波未平，一波又起，週一晚Chrissie收到出版商通知，約四百本3D寫真在會展的貨倉不翼而飛，由於遺失數量太大，出版商已即時報警求助，Chrissie的經理人Roy說：「批寫真的確喺會展貨倉唔見咗，由於已報警處理，所以詳情唔方便透露！」

接見毒男
人型攬枕到流動簽名車，食橋食腦周秀娜，繼續榮登今屆書展女王，連帶毒男「fans」鄭智殷一樣人氣熱爆。本週一晚，毒男終於同偶像周秀娜「毒家」近距離接觸，除咗趁機會盡訴心中情，還在葉念琛協助下，學會追女仔的基本埋身伎倆。

照抄無運行
Sell有波有學歷的「浸大E神」楊梓瑤，谷咪露肉擺明同周秀娜打對台，仲恃住自己有幾分學識，上週六（七月廿四日）擔任電台節目《政壇新秀訓練班》嘉賓，接受博士級人馬訪問，被對方指責寫真意淫，Carol（楊之洋名）口窒窒說：「我都係被動！」
上次Chrissie去科大「解構周秀娜現象」講座，識自嘲「墨水唔夠」，Carol一味死撐，EQ、IQ明顯差一截。

週日最後一個簽名會，Chrissie tube top、短裙示人，專登上下失守益fans。

上週六尖沙咀簽名會，狂躁大叔衝上前鬧Chrissie做「阿姨」，EQ極高的她當無事發生，繼續笑笑口同記者影相。

尖沙咀簽名會地點一改再改，最後在九龍公園舉行，頻頻撲撲成個鐘，Chrissie忽然腳軟，從韆鞦跌下，跌傷八月十五。

Chrissie孖住每逢週六一齊主持《10分試愛》的葉念琛，向鄭智殷傳受追女秘技。

鄭智殷對Chrissie表白純粹欣賞她寫真集的肢體語言，並沒存半點性幻想，更講明寫真要慢慢咀嚼欣賞，每天只會睇一頁。

到法國取景的3D寫真，Chrissie終極一脫，以手掩胸，全書最激。

週日寫真簽名會，Carol遲到俾傳媒狂鬧，一面尷尬，有三吋事業線亦無補於事。

E神第一年出寫真，除咗食唧唧冰，大髀心口永遠有一滴二滴白色太陽油，周秀娜寫真去年已經見過晒。

Carol恃住有幾分學識，同博士級人馬論o靚模，最終口窒窒唔識應對，衰收尾。

派警鐘
警鐘胸已成為Jessica .C的標記，週日簽名會，Jessica keep住派警鐘糖俾fans硬銷獨門賣點。

衰咗
上週黑雨警報，八模臨時取消簽名會，死撐現身的百果園DaDa，fans人丁單薄，即刻扮晒暈走人無咁瘀。