娛樂八掛大放送★

距離天匯成交期的死線六月十六日還有兩個多星期，卻無損四叔李兆基心情，早前更以天價18億投得山頂地皮，似向政府示威，亦以行動證明豪宅有價。講起地皮用途，四叔話將來會起三幢屋，預埋兒孫新抱一齊住。
有老爺老公錫到燶，樂做幸福少奶奶的徐子淇，除了要積極搵生仔良方外，早前抽空帶兩位千金到迪士尼享受family day。為防愛女有閃失，當日更出動超過十五個保鑣護駕，極之大陣仗。

上月中，有遊客目睹徐子淇帶住兩個囡囡及親友一行十多人在迪士尼遊玩。當日穿着粉紅豹紋背心、戴着黑超的她，為防剛滿一歲大的稀兒周圍走，全程抱實細女。
千億新抱出巡，排場十足，出動超過十五名保鑣護駕。現場一名遊客形容當時情況，坦言覺得好大陣仗：「總之佢（徐子淇）行到邊，就梗有兩個六呎幾嘅大隻佬貼身跟喺左右，其餘嗰十幾個就分散喺附近，差唔多每隔十米就會有一個保鑣站崗。我哋見到全部人都拎住對講機，戴住headphone，神色好凝重，唔知嘅仲以為佢哋喺迪士尼拍緊警匪片。」

夢想建兒童王國
據一位迪士尼員工表示，每隔數周便會見到徐子淇帶女兒到來。「佢最鍾意帶囡囡玩小小世界，連續玩兩、三次都唔厭，雖然話係有錢人，不過其實都冇特權，一樣要排隊。試過一次佢大女走埋去個卡通人物度，點知六、七個保鑣即刻衝埋去攔住個卡通人物，徐子淇同個保鑣阿頭話『由得佢』，到最後佢個女先同卡通人物影到相。」
由於在港少有俾小朋友玩樂之地，即使千億新抱徐子淇亦只能帶女兒到迪士尼玩。徐子淇坦言打算日後當山頂地皮起好大宅之後，會闢前面一塊過萬呎空地，起一個兒童王國給兩位千金耍樂，何況她開到口會一路生，誓要為李家生「慈菇椗」。徐子淇早前便對記者說：「塊大草地可以俾佢兩個踩單車，我仲希望可以建一個迷你旋轉木馬。」雖然未玩得，聽落已經好夢幻。

當日徐子淇帶住大女、細女再加親友、保鑣一行三十人浩浩蕩蕩殺入迪士尼，為防一歲細女稀兒在人群中走來走去，徐子淇全日都抱實她，並冇假手於人。

徐子淇帶囡囡入廁所換尿片，一眾保鑣即醒目地在門口站崗。

徐子淇所到之處，近距離最少有4個保鑣把守，其他各保鑣則在外圍視察環境，保安之嚴密可媲美國家政要人物級別。

徐子淇身旁的6呎4吋高保鑣，全程緊貼主人左右，一有陌生人埋身，即用魁梧身軀阻隔對方，每位保鑣亦戴上耳機保持聯絡。

最近四叔李兆基忙於處理天匯交易事件，仍以18億投得山頂地皮起屋自用，果然錫屋企人。

上周二（25日），徐子淇出席活動時心情大靚，問到她會否以人工受孕追番個仔，她說暫時唔會考慮，「我咁後生，又唔係生唔到baby。」《蘋果日報》圖片

去年李家誠與徐子淇到淺水灣露台餐廳嘆下午茶，亦出動近10名保鑣，不過發現記者之後，兩人即諗計遮面離開。

徐子淇帶女兒遊迪士尼 出動15位保镖護駕

徐子淇帶女兒遊迪士尼
香港千億媳婦徐子淇除了要積極尋找生子秘方外，早前抽空帶兩位千金到迪士尼享受家庭日。爲防愛女有閃失，當中更出動超過15個保镖護駕，十分大陣仗。