氹阿婆
入行前已做義工嘅Kay，原來亦有keep住呢個優良習慣，當日見到班老人家非常雀躍，又跪低逐個傾偈，有婆婆認出佢係謝安琪，仲狂讚佢有善心。
慈善天后 同環球仲有3年約、但因意見分歧提早解約的謝安琪（Kay），盛傳要向唱片公司賠400萬解約費，否則死路一條唔使旨意喺香港再出碟。
愈鬧愈僵，好在謝安琪早前已同環球傾掂數，和平分手一個仙都唔使賠，只需還清環球已預支的酬金。自由身的謝安琪已有多間唱片公司招手，有機會簽內地公司返強國執金，仲有機重返TVB「大和解」。上週謝安琪探訪老人院時，更透露唔想再捱貴租，計劃出手買入現居比華利山的同類型獨立屋。
天后有好路數，2千萬一間豪宅，fullpay啦！

 
上週日（27日），謝安琪同幾十個粉絲組隊到慈雲山慈樂邨一間老人院做義工，氹到公公婆婆笑晒口。

中港兩邊簽
冧老人家有一手，謝安琪亦同環球傾掂數，拉鋸多時的解約問題，最終唔使賠錢換到自由身。現時謝安琪與多間唱片公司都有接觸，本身屬環球「四大」的她，現在無約一身輕，據知將有機重返TVB亮相。「之前傳我會簽金牌，又話我要賠幾多百萬，其實全部都係假……𠵱家同幾間唱片公司傾緊，暫時未決定簽邊間，可以自己發行，亦唔排除香港、內地各簽一間都唔定，始終華語嘅樂壇係大好多！（係咪好快可以重返TVB？）我唔會為曝光刻意上節目，有歌plug先會上，暫時未有通告。」與TVB續前緣，謝安琪又會出碟殺入大中華市場，而一向精打細算的謝安琪已打算唔再捱貴租，自己做業主好過。「當年租大埔比華利山抵呀（'09年租2萬8），𠵱家加租加到爆，4萬幾蚊呀！我唔係話要住所謂豪宅，只不過我不嬲住開大埔，一家又咁多個人，住開呢度覺得幾好，呢排都諗住買番𠵱家住緊嘅地方，不過我唔希望助長炒風，純粹係為咗屋企人有個舒適居所。」買樓自住，誠哥都讚你叻女呀！

揀戲拍
上年已殺入內地開巡迴演唱會的謝安琪，今年除咗有機會同國內唱片公司簽約，亦會接拍一套內地電影，不過Kay唔係逢戲都接，要揀啱劇本先肯拍。「我接戲要以啱劇本為原則，視乎角色同合作單位，而唔係為發展電影事業或賺錢而接，其實唔係咁易遇到，但好好彩上年有機會拍到《大追捕》呢類大製作。」 ####

 


唱歌仔
貴為天后，Kay點都要露兩手唱歌仔，不過佢冇唱〈囍帖街〉，反而揀咗公公婆婆都識唱嘅〈月光光〉。


溫馨扶
Kay見到婆婆面色蒼白，立即摸摸對方雙腳，仲叫職員校細冷氣驚凍親婆婆，好細心！


老公分擔大埔比華利山月租4萬幾，要畀貴租又要請工人，仲有囝囝嘅學費大筆支出，Kay話好在有老公張繼聰一齊分擔。《蘋果日報》圖片


同環球解約收場，Kay話同環球高層Duncan（右）關係唔差，又話收到通知可以上TVB節目，成功破冰。


上年去敦煌拍電影《敦煌傳奇》，要捱風沙又要離開乖仔張瞻成個月，但Kay欣賞新晉導演閏月，好快應承接拍。


Kay開拓國內市場成功，上週三（30日）更獲邀出席「第十二屆華語電影大獎」的頒獎嘉賓，在台上頒「最佳女配角」給《奪命金》的何韻詩。《蘋果日報》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄