由個人唱到組樂隊再獨自修行，走過低潮時期，周國賢（Endy）身為爸爸又為人囝囝，孭起成個大家庭，當然靠自己踢走負能量，最新派台作〈退化論〉大談正面人生，首次自導自演跳舞到澳洲，口碑不錯，真正正能量之男人！

拍攝、出演、剪接一人幫
人人出EP，Endy卻還原於基本，8月正式出碟，7年之癢點都要止，「'06樂隊Zarahn打後就無正式出過，11首歌想將自己故事一口氣講出。」32歲的Endy未入行前，18歲曾在日本上美美術專門學校讀剪片，回流香港打算做美指，誤打誤撞下卻走去唱歌，「以前用V8帶拍片，家吓全部數碼化，好多技巧要從頭學。」上年尾好友周柏豪就一償其心願，找Endy拍攝〈天光〉，YouTube十七萬瀏覽量，2百幾人讚Endy拍MV正，膽壯大了，5月頭就拉大隊去澳洲，一口氣拍下4首新歌MV，「最難唔係每首歌要花2星期剪接，而係首次在鏡頭前，大跳《油脂》舞！」


王家衞及名攝杜可風都是Endy偶像，「兩個都是氣氛為主、內容次要的人，最喜歡《墮落天使》。」3月時Endy為前903DJ Ekee的〈我跟你的三分鐘長吻〉就向《墮》片偷師，大玩當中的紅綠燈光。

抑鬱過後唔扮型
鏡頭扮傻勁，總之要開心，點都唔似夾過band，一味執着其實辛苦了自己，「Zarahn時期出過一隻碟，以為夾band就一世都要型、要黑暗，但愈做出面就覺得好造作。」愛聽emo音樂如美國的Nine Inch Nails、The Smashing Pumpkins等的Endy就更悲觀，更自鑽牛角尖，打後去到無碟出幾年，更懷疑自己有抑鬱，「最後諗通，唔再迫自己搵自己的dark side。」亦明白作為歌手，社會責任必要負責之，「有位歌迷網上留言對我講，上年派台的〈天馬行空〉，歌詞熱血，話無呢首歌佢就撐唔到落去要輕生。」


新曲〈退化論〉在墨爾本附近Gunning小鎮拍攝，截稿前903叱咤榜排行第2，講述現代人追科技之快追得可怕，「連食飯都只掛住一味iPhone，最複雜的情緒也靠幾個字表達晒，完全退化。」又真好幾中point。

親子遊做爸爸模特
家人，幾時都是做人的原動力。正能量創作靈感，也隨着Endy愈生愈多而有所增，「要湊住2歲最細囡囡累死人，不過見住佢哋笑，就覺得乜都positive。」屋企有錄音設備，更可24小時陪住家人，最想就係同爸爸媽媽、屋企人三代同堂family trip，「咁大個未去過泰國，好想去。」錄音、剪接工作分身不暇，惟有諗吓先，或者去個短trip鬆一鬆，「最近同爸爸一人一相機去大澳影雀仔同風景，我仲做埋模特兒俾爸爸影。」有假期會同家人揸車去「獵灘」，找尋較少人去的龜背灣曬太陽。一日24小時畀晒公司的打工仔，係時候學Endy咁孝順又顧家喇。


Endy熱愛攝影，最愛相機品牌係Nikon，最近入手年頭推出旗艦D4，配備驚人的ISO 204,800高感光，捕捉無時停囡囡無難度（約$60,000）；下圖就是Endy作品。 ####


 



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄