小豬出名係「亞洲舞王」，簽唱會當日，點會少得佢上台chok住扭腰跳勁舞冧fans。
台灣舞王羅志祥（小豬），雖然最近佢嘅歌迷同黃秋生罵戰，不過冇影響小豬心情。上週六（2日）專程飛嚟香港，踩入領匯樂富廣場開簽唱會，吸引近千名歌迷撐場，而當中9成都係女fans，超重陰氣。


小豬出名錫歌迷，仲有求必應，當日佢喺30度高溫下又唱又跳，搞到班歌迷high爆但就一直戴墨鏡冇面見人。玩遊戲時，又唔怕同fans有親密接觸，任攬唔嬲之餘，仲幫班港女歌迷按摩，鬼咁體貼。會後仲為近排佢嘅歌迷同秋生喺微博罵戰而出口撐歌迷：「對秋生大哥我很抱歉。但我的歌迷很有禮貌，可惜因為有無聊人會做這些惡作劇，也有人扮我去說別人的壞話。」小豬又體貼，仲有腰骨，抵班歌迷冧爆佢！ ####


任攬唔嬲，小豬仲會幫女歌迷按摩，真係女人湯丸。


小豬當日有求必應，唔只同fans玩遊戲，有女粉絲主動攬住合照一樣冇抗拒，抵港女冧爆佢。


當日氣溫高達30度，而且仲喺戶外舉行，但約千名女fans一直由頭睇到尾，睇佢同fans影合照就知場面幾墟冚。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄