媽咪姐

猜猜我是誰？

 

扮鬼扮馬、整色整水向來係藝人專利，早排媽咪姐玩微博嗰陣，就發現幾位明星不約而同鋪上舊照同搞鬼蒙面照，精明嘅讀者又估唔估到佢哋係邊個？

A
呢位蘇州姑娘（左一）細路女時原來係體操選手，大咗之後唔單止愈來愈靚， 07年仲攞過「影后」殊榮，隔年結束廿年愛情長跑，嫁咗俾電眼影帝。




B
當年 16歲攞歌唱比賽金獎入行，不過賽後未有加入樂壇，反而拍過唔少電影同劇集。佢老公當年 喺結婚請柬上注明「守望杜田」，真係 冧死人喇~~~ 




C
30年前好男仔頭 嘅佢，早幾年 喺有線做節目主持。家陣簽咗無綫做藝人，一入新公司即喺新劇做第二女主角，只可惜套劇口碑麻麻。 




D
一個大癲大肺 嘅香港小姐。當年佢仲攞埋亞軍同「最上鏡小姐」獎。近年絕跡幕前，不過早排有報道話佢同利氏家族後人秘婚。 

答案：


A.劉嘉玲
B.田蕊妮
C.黃翠如
D.陳淑蘭

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄