因為負面新聞搞到人氣盡跌嘅「大塊面」之前恃紅生驕，喺電視台擺款勁寸，大失人心，即使面對記者一樣冇好面色，加上講嘢又硬堀堀，所以大部分記者都唔鍾意佢。最近佢自己都聞到味，於是一反常態，見親人都擺出「四萬」面口扮晒客氣。而且唔知聽邊個蠶蟲師爺教路，竟然想到用錢收買記者嘅心。
咁講好似嚴重咗啲。事實係咁嘅：話說早排，佢出席一個活動時，吩咐公關同啲記者講，話散會後去搵佢，佢要派利是俾啲記者。當時個公關就同佢講，過咗新十五、二月都嚟囉，應該唔使再派利是，但佢扮晒好人咁話「禮多人不怪」。點知公關同啲記者一講咋，大伙異口同聲話唔要，跟住「嘬」一聲，成棚人變咗閃電俠，閃晒。派利是都冇人要，「大塊面」係時候要檢討吓自己做人及對人嘅態度啦。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄