謝婷婷同安志杰愛得癡纏，不時都情侶檔搵錢，噚日佢兩個又齊齊去到九龍灣一間麥當勞，宣傳新推出嘅結婚派對服務。現場見婷婷經常蹺住男友臂彎，成塊貼身膏藥咁，又應大會要求餵安志杰食包，仲幫佢抹嘴抹汗，真係甜到漏，咁細心服侍，安志杰即刻錫啖婷婷回禮。

放大圖片
婷婷餵安志杰食包，真係甜蜜。

婷婷餵安志杰食包，真係甜蜜。

放大圖片
安志杰將要同婷婷分開半個月，梗係要錫番夠本啦。

安志杰將要同婷婷分開半個月，梗係要錫番夠本啦。

等父母催逼

在場嘅人見婷婷同安志杰咁甜蜜，都乘機催佢哋快啲結婚，到底仲要等幾耐呢？安志杰又求咗婚未呢？婷婷話：「未呀，真係唔知，但大家都有打算，不過以我哋兩個嘅性格，要人逼先會去做，好似家長逼小朋友咁，但家大家父母都冇逼，而且知道搞個婚禮好複雜，喺麥當勞就好簡單，可以諗吓。」安志杰就話，家仲儲緊老婆本，仲話冇限制要儲幾多，梗係啦，要養起頭家真係唔容易，何況對象係婷婷，不過佢哋話如果真係結得成婚，相信爸爸媽媽都會希望喺香港搞婚禮。

分開半個月

婷婷同安志杰喺跟住嘅半個月會各有各忙，仲要分隔兩地，搞到婷婷撒晒嬌話：「我哋大家都忙，唔係成日見到，我都想可以成日見住。」安志杰即將起程去約旦工作，一去就半個月，唔怪得婷婷扭計啦，但佢話有時間會去探男友班，睇嚟安志杰要好好安撫女友。


謝婷婷會考慮同安志杰喺麥記搞婚禮，佢話夠晒簡單喎。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄