泳兒鍾舒漫埋堆
勁歌當透明
英皇上月中在春茗上高調宣布林欣彤加盟，搶盡風頭。而英皇早前亦講到明會用盡資源在林身上，變相削減近年投資多但回報少的鍾舒漫和泳兒的資源。
據知早已聞到燶味的鍾舒漫、泳兒，近日先下手為強，除與公司僅餘黨羽玩小圈子，在公司見到林時，亦當林欣彤透明。「阿 Mag簽完英皇後，去過公司兩、三次。佢上到去逐一同人打招呼，唯獨泳兒同鍾舒漫望咗佢一望，跟住喺度扮傾偈。佢哋背後仲改阿 Mag花名做『四方果』，話佢塊面『撐』爆個電視。」上月尾，鍾舒漫和林欣彤上無綫《勁歌》。在化妝間時，有人目擊化妝師原本幫阿 Mag化緊妝，不過坐在對面的鍾舒漫，就大聲叫化妝師：「我嗰個行開咗，你幫我化先。」化到一半的林欣彤惟有呆等。雖然人前鍾舒漫勁讚對方好唱功，但據知二人在化妝間全程冇交流，連招呼都冇打。
鍾舒漫反問：係咪公司啲人講
周一（七日），鍾舒漫出席無綫活動，承認新碟被 cut資源。「依家出碟有邊個唔 cut資源。（因為阿 Mag入嚟？）其實呢樣嘢都講過好多次。作為公司，當然要不斷簽有 talent嘅新人，我唔覺有咩威脅唔威脅囉！」記者再問是否與泳兒夾擊林欣彤？鍾舒漫即叉住腰說：「我預咗有人會咁傳囉，我冇所謂。（你哋背後仲同佢改花名四方果喎！）邊個講 o架？係咪公司啲人呀？」鍾舒漫像心裏有數，表面上卻維護師妹：「阿 Mag咁 pure，總之你哋唔好寫衰佢囉！」綿裏針先至最厲害。
記者問完鍾舒漫，多次致電林欣彤，但都駁落留言信箱。林欣彤為免惹是非，最後由其無綫經理人 Kenneth回應：「其實以我所知，阿 Mag同英皇歌手只係見過兩、三次，都會 say hi！（有人改阿 Mag花名？）咁每個人都有言論自由嘅。（覺唔覺有人眼紅阿 Mag？）其實每個歌手都發揮唔同所長，阿 Mag好努力做自己音樂，希望大家可以留意佢呢方面。」
吸水寶寶
林欣彤入行未夠一年，電影、劇集工作不斷，除成為大新銀行代言人外，自加盟英皇後，亦成為日本品牌植村秀的首任香港代言人，加上新年期間瘋狂登台，短短半年，已賺 214萬，難怪英皇要全力谷呢隻金蛋。
電影
《我愛 HK開心萬歲》 10萬
廣告
《大新人壽》代言人 50萬
《植村秀》代言人 50萬
登台與活動
登台（中、港、台） 6個 X12萬=72萬
活動 4個 X8萬=32萬
共賺約： 214萬
留言列表
{{ article.title }}
