手術前死撐
1月時，廖碧兒已經病得好辛苦，仍然撐住出席公開活動。由於身體不適，情緒特別差，說話比較急躁。
入院一星期
對於廖碧兒患病開刀一事，樂易玲大方直認：「係，當時廖碧兒感情、事業同身體都出現問題，佢喺醫院做咗個外科大手術。嗰陣我感冒食緊特敏福，唔方便去探佢，惟有 keep住同佢屋企人聯絡，所以佢農曆新年都係喺醫院度過，住院一星期。（佢冇同大家講過。）我有勸佢講，不過佢向來都報喜不報憂。」
對於廖碧兒所患何病，樂小姐三緘其口，記者追問廖碧兒是否腎生石或患婦女病時，她堅持：「真係唔講得！（係咪積勞成疾？）講真，武打演員都多內傷（廖去年拍了三部動作電影），佢咁弱質纖纖點會捱得呀。其實佢一路都有唔舒服，佢拍《依家有喜》嗰陣就好辛苦，但死撐！我都有叫佢做咗手術先，但佢話唔想阻廠期，拍埋先入院。依家佢連車都揸唔到，一發力就會痛，要助手揸！」
陳豪維護
對於有傳廖碧兒打算明年初約滿後，離開效力十年的 TVB，樂小姐代為否認：「佢舊年先續約，份約冇咁快到期。佢出院我哋有見過有傾偈，佢有出席活動，上星期都有返公司拍藝員照。拍劇就遲啲先，佢暫時只會做輕巧工作。呢段時間我想佢休息吓，等佢所有傷口，包括身心都痊癒，先再傾吓嚟緊發展點。佢好想到外國發展，我都同佢 plan緊。」
當記者問到廖碧兒和林忠豪繼續拍拖會否影響事業時，樂小姐則說：「感情事外人好難插手，不過呢段時間，我都叫佢出去見吓朋友食吓飯，俾自己放鬆心情。」之後記者致電林忠豪，他只說：「佢嘅私人事，留番佢自己講啦！之前我哋俾人影到食飯，我一樣冇回應 o架！」
而陳豪同樣錫住廖碧兒，明顯知道對方患病的他，對記者有關提問面有難色，口窒窒說：「唔……唔知。唔回應佢嘅嘢！」最後還維護她說：「佢係一個好好嘅女演員，希望大家俾空間佢，欣賞佢嘅工作。」
搏命做
全站熱搜
留言列表
{{ article.title }}
