「揚武」同「紫清」呢 pair過氣情侶，分咗手冇十年都有八載。「揚武」幾年嚟專注喺北方搵人仔搵到不亦樂乎，而且娶妻生子，最近更添多個瓦㖭，湊咗一個「好」字。而舊情人「紫清」亦成為專業人士嘅老婆，一子之母，近年更成為大婆台第二名站台人馬。
咁為乜無端端會講起佢哋呢？唉，凡事必有因，又點會無端端呢？話說「揚武」最近因為老婆生女，甚少返香港嘅佢梗係返嚟陪老婆啦。早兩日，媽咪姐有個同「揚武」係老死嘅行家，跟埋「揚武」去探老婆，哈，真係夾都冇夾得咁準，「揚武」同「紫清」兩架車竟然並排停紅燈，好彩「揚武」架車鑲咗深啡色玻璃，所以「紫清」冇留意到佢。但行家唔知攞景定贈興，明知佢哋當年喺爆下分手，仍然好抵死咁問「揚武」使唔使幫佢絞低車窗同「紫清」 say hi。搞到「揚武」好尷尬。
所以話啦，乜鬼「分手再見亦是朋友」呢句嘢，擺明係自欺欺人。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄