休息唔睬
熄機後，兩人各顧各，浩信自己飲水，法拉則發呆唔騷佢，完全零交流。
娛聞樂陳法拉
不忿老公被帶壞 陳法拉藐爆王浩信
近日陳法拉與王浩信合作新劇《傳愛事務所》，飾演情侶日夕相對。今次姣神配溝女王，不單止唔過電，而且更面左左。本刊在片場發現，法拉多次對着王浩信黑面，當男方 NG時，她更不留情藐爆說：「吓！你又 NG呀！」
原來法拉「唔妥」王浩信，全因法拉每逢離港拍劇，對方總會偷偷相約盛傳已與她結婚的薛世恆夜蒲飲酒。其中一次，薛更對同場的陳敏之玩得好埋兼咬耳仔，法拉唔嬲就假。對於法拉藐爆，王浩信直認：「我 哋好少傾偈，可能大家 level唔同！」
陳法拉與家族生意有 13億的 Neway大太子薛世恆，多次盛傳已在美國秘婚，女方早年更進駐薛家的畢架山豪宅。為鞏固薛家大新抱地位，以往極少提及老公的她，近年已肯大方與男友繑手出席公開場合。
瞞法拉夜蒲
老公靚仔兼有米自然多女埋身。一年前，便傳出 Hotcha成員 Regen趁法拉不在港，勾引大少，法拉震怒下，以老闆娘身份怒炒 Regen。自此法拉無時無刻 check緊老公行蹤，提防小三出現。而對於老公鐵腳蒲友王浩信，法拉亦相當不滿，多次勸老公疏遠損友。知情人透露：「其實 Vincent（王浩信）比法拉更早識 Daniel（薛世恆）。當年 Vincent以歌手身份簽約 Neway Star唱片公司， Daniel就係公司老闆。兩個都係蒲精，成日落酒吧飲酒食煙溝女，到依家都仲係好老死。佢 哋有個鐵竇 喺灣仔，法拉都唔知 㗎！」
表面斯文敦厚的薛世恆不單爛玩，極有女人緣的他，早前試過瞞住忙做唱片宣傳的陳法拉，相約王浩信、黃長興、陳敏之到九龍城嘆日本菜。其間隊了不少清酒的薛世恆，被拍得對老婆好友陳敏之熱情呵護，動手幫對方扣衫鈕，又零距離咬耳仔，簡直當法拉冇到。據知東窗事發之後，法拉大發雷霆，更勒令老公除工作應酬外，不准出夜街，特別是跟王浩信去玩。
男友作反
去年 8月， Neway大少薛世恆趁法拉忙為唱片宣傳，背住女友相約王浩信等人食日本菜隊清酒。其間飲到面紅紅的薛大少，不避嫌與陳敏之親密咬耳仔。《 FACE》圖片
《 FACE》圖片
在法拉面前甚少煲煙的薛世恆，當晚「放監」冇王管，食飯期間不時聯同王浩信（左一）、黃長興（右二）等男子組企街煲煙。《 FACE》圖片
表面斯文的薛大少其實經常作反。 11年 2月，他趁法拉開工，密會公司旗下組合 Hotcha的 Regen。東窗事發後， Regen離奇離隊赴澳洲讀書。有傳是法拉的皇后密令。《 FACE》圖片
嫌棄未夠班
薛世恆表面對老婆言聽計從，據知去年 11月，法拉到英、法兩國拍攝《衝上雲霄 2》近一個月，無暇𥄫實老公。其身邊好友向她越洋通風報訊，指薛世恆繼續約王浩信和其他女性朋友夜蒲。嬲到震的法拉回港後，剛好要夥拍王浩信拍攝新劇《傳愛事務所》，新仇舊恨，加上法拉由始至終覺得對方未夠班與她合演情侶。因此，二人在片場，除了埋位拍攝，其餘時間都是零交流。
上月初，二人在尖沙嘴拍外景。對稿期間，王浩信撩法拉傾偈，她都只顧照鏡及玩電話，視對方如無物。至 roll機後，王浩信不時 NG，法拉即時黑面，更大大聲俾說話王浩信聽：「吓！你又 NG，又要嚟過呀？咁要嚟幾多次呀？」認真唔俾面。
對於與法拉唔妥到出面，王浩信無奈表示：「我哋平時專心拍戲，係好少傾偈，可能大家 level唔同。我知做演員係要充足準備先唔會 NG，下次我會做好啲！（你係咪成日帶薛世恆出去玩激嬲法拉？）我同 Daniel係好朋友，我覺得出街食飯、飲嘢都好普通，但我唔知法拉唔鍾意喎！」至於法拉，則以「趕時間」為由，拋了句「唔答呢啲 嘢！」便匆匆入廠拒回應。
埋位笑晒
日前二人在酒吧拍談情戲。當正式埋位時法拉含情默默望實王浩信，儼如情侶一樣。
互當透明
一收工，二人即冇偈傾。喺等車接期間，法拉只顧煲電話粥，王浩信則無癮擰歪面。
司機接送
王浩信揶揄自己與法拉層次唔同。當日所見，法拉出入都有私人保母車接送，明顯比其他演員矜貴！
逼公司小巴
相反王浩信一支公冇助手陪開工，放工仲要同工作人員逼公司十四座小巴，身份的確唔同。
日前記者向王浩信求證被法拉藐爆，他無奈承認同法拉冇乜偈傾，更稱唔知對方唔滿意他與薛大少來往。
我哋好少傾偈！（真實對白）
拒絕回應
向來寸爆的法拉，面對記者追問時說：「我唔答呢啲嘢！」便匆匆入廠，但仍記得保持笑容。
留言列表
{{ article.title }}
