你敢唔等咩？（設計對白）
你呢期威！（設計對白）
其實當晚仲要拍羅仲謙、馬德鐘等主角戲分。可惜導演都係要拍 JJ先，搞到羅仲謙等足兩個鐘。
孖陳豪開戲
不過自從殼王今年一月入主無綫後， JJ身價即刻狂飆，據幕後人員透露：「佢以前收工要簽張紅單（出納表格） o架， 500蚊搞掂，家就唔同晒咯，要同佢計騷錢。要成 1,100蚊一個。」加薪 120%已經夠威，而且拍劇卡士愈嚟愈重，之前孖住吳卓羲拍《抉宅男女》，現正拍緊《飛虎》拍住馬國明，五月拍古裝仲會拍住筍盤視帝陳豪。
上週三（ 2日） JJ為《飛虎》到佐敦開工， JJ今次劇中同馬國明做殺手倩侶，當晚一眾主角馬德鐘、宣萱一早到場，但家陣身份有變，導演都趕拍 JJ戲分先，成班阿哥阿姐就坐喺一邊食消夜睇 JJ表演。
JJ升呢上位亦話：「呢期開得密啲囉，連續開咗幾晚夜，都唔算太辛苦！」而她經理人 Gary亦說：「佢一向同無綫合作關係良好，殼王入主前都有好多劇拍 o架，嚟緊公司會同佢續張新約，人工加好多，幾多就唔講得。」有殼王射住， JJ人工有排加啦！
三劇在手
JJ有殼王撐，喺無綫劇接劇，戲分亦愈來愈重。拍得住一眾無綫親生女！
《抉宅男女》（已完成）
《飛虎》（拍攝中）
5月份古裝劇（與陳豪拍攝）
監製即呵
JJ喺《飛虎》入面做女殺手，成日着低胸衫凸出佢心口上面嘅玫瑰紋身，上週三晚 15℃天寒地凍仲要開工， JJ忍唔住喺微博詐嬌，仲投訴導演當晚雖然拍佢戲分先，點知拍完後唔記得叫佢收工，搞到 JJ懵盛盛喺度白等到 4點先識返屋企，嬲到佢喺微博哭訴自稱好可憐，事後監製林志華知死致電 JJ解釋，相比以前，睬佢都傻啦！
主角呆等
《飛虎》一眾主角馬德鐘和宣萱等平時到場就有得開工，如今要等 JJ姐拍先，大班人索性喺隔籬大牌檔食住等。
同門狄易達叨光
殼王入主照住 JJ上位， Snazz旗下奀星都齊齊水鬼陞城隍，其中狄易達更加有份上《勁歌》之餘，今年套重頭新劇《 Laughing Gor》都有份演出，仲要係有得俾佢揀個甚搶鏡嘅大好人角色嚟做，又係明畀位佢上。
狄易達同啤梨同屬 Snazz，今年農曆年初三拍住林欣彤、王祖藍等一齊上《勁歌》同大家拜年，以往呢啲筍位點排都輪唔到佢哋啦！
留言列表
{{ article.title }}
