3月 10日上映嘅王晶新戲《猛男滾死隊》，牌面有曾志偉、杜汶澤和詹瑞文等多位笑星孭飛，但論養眼，都係靠一班 bikini o靚模最搶鏡。
各自埋堆
尤物之一嘅 22歲 Caroline，日前為代言嘅醫學美容品牌 Dr.Renew拍攝新廣告時，同本刊大數與多位 o靚模的埋堆情況，她對浸大 E神 Carol（楊梓瑤）有讚冇彈：「我哋成班女仔嘅群戲主要有兩組，第一次見到 Carol，大家會主動 say hi，然後一齊坐埋偈傾等 roll機，拍戲 NG， Carol又會主動提點我，好 nice。（咁 Chrissie呢？）我有同佢 say hi，但佢（ Chrissie）每次都係『唔』一聲就行咗去……我哋其他女仔圍埋一齊，會影合照，嘻嘻哈哈，同 Chrissie就冇偈傾。」咁又難怪，雖然大家身材 cup數差唔多，但身價級數就差幾班，娜姐係貴啲嘅！
分黨批鬥
自從 o靚模鼻祖 Angelababy升呢攻日又做埋「海綿嫂」後，去年出 3D寫真嘅 Chrissie即變一姐。娜姐攻日更主力拍戲，搞到浸大咪神 Carol一邊讀大學一邊追到氣咳，兩女不時隔空互片，先有 22歲 Carol寸 26歲娜姐係前輩級，暗寸佢老， 2月又明講娜姐與男友 Avis高調拍拖「唔認真工作。」力追娜姐嘅 Carol，同時亦唔妥 DaDa（陳靜），被記者問到點睇 DaDa去富豪飯局時，更曾嘲死敵：「美貌 body並重」。
全站熱搜
留言列表
{{ article.title }}
