亂髮肥嘟嘟我精明與速度並重。﹙設計對白﹚一落車莫可欣目標明確「矋住」街市正門，其剛毅眼神加埋嚇人散髮，媽咪姐都要佩服自己咁都認得出佢。

幸福嘅女人從來都唔係好理自己身世，好似93年港姐冠軍莫可欣， 嫁咗俾方中信生埋女之後，就一直相夫教女，唔使點做。上周三（2月29日），媽咪姐喺九龍城街市撞到莫可欣，雖然家陣個女都已經4歲，佢仲未修到身。雖然外形笨重咗啲，但莫可欣嘅行動相當敏捷，一分鐘都唔使就成功揀到條靚魚，港姐冠軍果然係唔同啲。

 
####


揀魚、等劏魚、俾錢加埋找錢，全程極速，睇嚟莫可欣買餸經驗豐富。


積極北上搵人仔養家嘅方中信，上月尾難得放假，就陪個女符迦晴去迪士尼玩，好爸爸唔易做。

莫可欣為相夫教女，可以唔顧身世；同樣係港姐冠軍嘅張舒雅亦一樣，為拍拖亦可以不理儀容。


早排媽咪姐喺跑馬地撞到張舒雅，佢同男友泊咗架車喺路邊，屈喺車廂左摷右摷唔知搞乜。過程之中，張舒雅時而傻笑、時而撥髮，喺佢男友眼中，可能「出西施」嘅，不過在媽咪姐眼中，完全趕客囉。莫講佢驚嚇如貞子嘅亂髮，就算佢撥好頭髮，仍難掩包包腫面。點睇都係恐怖與趕客並重。 ####


我又hea又趕客，吹咩！﹙設計對白﹚張舒雅同男友坐喺車度摷摷摷。可能摷得太起勁，張舒雅個頭亂到九彩，佢仲冇厘頭攞住張二十蚊紙傻笑。成個場景，有啲詭異。


及後佢撥好頭髮，樣貌當堂好咗。不過嗰塊水腫面，要想辦法執執嘞。


26歲嘅張舒雅為08年港姐冠軍，當年佢掛住拍拖、無心工作，因此被封為「史上最hea港姐」。近年轉職做model，不過死性不改，閒時最愛都係同科技公司老闆男友Samuel拍拖。

 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄