19/2 2:00am
Mango和戴眼鏡扮成熟的台籍男友 Donald，在中環夜蒲至凌晨，路上等的士時，有醉意的 Mango企唔穩，要男友扶實
磨出火
扮失憶
約凌晨兩點，兩人耳語幾句後決定離開夜店，在路口等的士期間，醉醉哋的 Mango企唔穩要男友扶實，不過酒醉三分醒的她，臨上的士前卻發現有記者。
Mango原本家住跑馬地，但為擺脫記者，於是着司機由中環經西隧兜去葵涌，再經紅隧折返港島銅鑼灣，見避無可避， Donald於是在告士打道世貿中心對開的中線，忽然跳車走佬，狠心撇低 Mango一個收拾殘局。
據了解，兩人自去年六月認識後， Mango不斷台灣香港兩邊走 mark實新歡，相識短短一個月，仲同 Donald到日本旅行過二人世界，之後更將親密照放上 facebook晒命。 Mango鐘意高調晒辛福，但男方唔想戀情浮面， Mango怕得失長期飯票，唯有將相片即時剷走，更封嘴否認戀情。
對於日前與男友拍拖夜蒲，戀情是否唔見得光？ Mango語窒又驚青回答：「吓！邊日呀，我都唔記得，我唔係好舒服。」之後仲詐病扮失憶 cut線。
拍拖半年，打扮富貴的 Mango，除夕夜和男友 Donald結伴去 ball，但兩人到酒店門口時，刻意分開行，否認戀情。
半年速食
身為蒲界中堅， Mango向來緋聞男友多籮籮，年前更想越級征服天王郭富城，連城中富商佢都唔放過。
天王郭富城
09年 8月郭富城被拍到背住女友熊黛林，用戰車送 Mango返家斷正，事後城城火速與她劃清界線，情傷的 Mango一度被指失戀自殘入院求醫。
國產黃曉明
攻「城」失敗唔夠兩個月， Mango再接再厲，到上海夜會內地富貴小生黃曉明，可惜最後敵唔過比自己年輕一截的 Angelababy，爭「海綿蛋糕」宣告 敗陣。
航空太子 Homan
09年 10月被發現翻撻柬埔寨航空太子爺 Homan，兩人 07年一度相戀，其間 Mango獲男友照顧，生活富貴。
富商曾文能
曾同周汶錡和陸詩韻傳緋聞的富商曾文能， 09年 12月被拍到與 Mango夜蒲蘭桂坊，當被記者發現後，兩人即分道揚鑣。
留言列表
{{ article.title }}
