「外母」數臭
可惜真愛比唔上真金，陳山聰最近為溝賭王三房大女何超雲，竟狠心拋棄已屆中女末期的未婚妻，於二月情人節時，更有傳媒踢爆超雲跟陳山聰在澳門酒店共度浪漫一夜，順道慶祝超雲 22歲生日，陳更花數萬元送花送 Chanel氹佳人。
陳山聰用錢堆砌浪漫，但被他狠撇的未婚妻 Ponny，原跟陳山聰同居於九龍灣居屋麗晶花園，但分手後，現已搬返娘家位於葵盛東邨的公屋蝸居，本刊記者於上週六（ 5日）發現她住所內堆滿不少雜物，其間 Ponny未肯開門接受訪問，之後本刊致電 Ponny問她被陳山聰拋棄一事， Ponny語氣落寞地說：「我……冇嘢講。」而與 Ponny同住、輕微中風 6年的楊母聽到記者提及陳山聰時，更不屑地說：「我冇見過佢（陳山聰）！佢（ Ponny）冇同我講過，（知唔知陳山聰追緊賭王女？）唔知，醫生叫我唔好受刺激！」
舊愛屈居公屋，正拍攝劇集《我的如意狼君》的陳山聰，聽到 Ponny已搬返公屋居住，陳即面有難色：「冇回應！私人嘢我唔會講！」
對舊愛如此絕情，如意「狼」君真係啱晒你演喎！
新舊天與地
陳山聰為無綫經理人合約藝員，月入約 3萬，原本打算明年與陳山聰結婚的 Ponny，分手前更曾於九龍灣居屋麗晶花園同居，分手後陳山聰跟新歡何超雲於澳門共度情人節，更豪送萬多元 Chanel鞋兼 4千蚊超豪蛋糕，加埋紮 99枝紫玫瑰，唔計酒店錢，浪漫一晚保守萬七蚊，夠交麗晶花園兩個月租。
新歡萬七蚊浪漫
雖然超雲曾公開話：「我同陳山聰唔係朋友！」不過 2人經常微博隔空傳情，早前超雲更自爆有「 J」君豪送她生日禮物，咁啱陳山聰英文名又叫 Joel，一切蛛絲馬跡已洩露二人的伴侶關係。《蘋果日報》圖片
$2,500紫玫瑰
陳山聰送超雲的 99枝紫玫瑰亦唔平，據 Tiffany Flowers表示，這束花價錢由$1,800至$2,500不等，超雲喺微博冧爆話：「一生中最喜歡而感動的一束玫瑰，我會好好珍惜這惜花人的心思。」
$4,000蛋糕
寫有「 J＆F」（ Joel＆ Florinda為陳山聰及何超雲之洋名）的蛋糕，是陳於 Complete Deelite訂購的 3D蛋糕，之前張栢芝都訂過畀囝囝 Lucas做生日蛋糕，索價約 4千蚊。
周柏豪葡萄：真係甩難！
陳山聰和另一潮男周柏豪，早前齊齊力溝何超雲，兩男更於微博開火互寸，如今陳山聰初步證供顯示得米，周柏豪週一（ 7日）出席活動時，記者問及陳山聰同超雲拍拖，周柏豪則勁葡萄說：「仲講？咁 out o架！」之後又話：「真係甩難喇！我同佢（超雲）真係冇嘢！」
留言列表
{{ article.title }}
