我係黑夜女王！你係邊個？（設計對白）
一睇就知我係鬼咁 hea啦！（設計對白）
Kelly上晒身，做番自己 嘅霆鋒索性企埋一邊偷笑。
同你吟一吟
霆鋒鬼咁唔合作
上個禮拜三（九月十九日），海洋公園搞咗個哈囉喂派對，仲搵埋謝霆鋒、陳慧琳同今年哈囉喂兩位主角聖羅蘭同黃 Wyman坐鎮。乜都靚行先嘅 Kelly set咗個大爆炸頭，黑色眼影加深紫色唇膏，由頭黑到落腳，叫自己做黑夜女王，個樣有咁鬼扮到咁鬼。
Kelly一番心機，尊重大會主題又可以自娛，相反，同樣係兩子之父 嘅謝霆鋒，冇喺打扮方面配合主題，只係繼續 chok， hea到出面。叫做有反應嘅，係當 Kelly話自己買 咗兩個蒸籠，打算蒸熟蝦餃仔同小龍包搞爛 gag，霆鋒都有搭口：「幫我買多兩個（蒸籠），不如一齊蒸夠四個。」擺埋 Lucas同 Quintus上 枱。
Kelly話自己扮成咁，唔敢未落妝就返去見兩個仔，怕嚇死佢 哋，同記者傾偈又鬼聲鬼氣，加埋厲鬼咁眼望鏡頭，出力交貨。講真句，動用 Kelly霆鋒，冇咁上下銀兩都唔得，霆鋒咁鬼 hea，下年搵鬼預你！
無論係大合照，抑或同鬼影相，霆鋒乜鬼表情都冇。
落台再影相， Kelly執靚個頭先埋位，受人錢財交足貨，呢 啲叫專業！
今年羅蘭姐唔再扮聾婆，改扮聖羅蘭，型過扮英女皇。
全站熱搜
留言列表
{{ article.title }}
