娛樂八掛大放送★

"甄子丹非常愛錫老婆汪詩詩（左），他對姨仔汪圓圓（左）亦寵愛有加。為了令圓圓打入影圈，更親自開口力薦黃百鳴起用姨仔做《最強喜事》女主角。宇宙最強開到口，黃百鳴點會托手踭吖。"
娛樂頂點
甄子丹薦姨仔拍戲　黃百鳴硬食汪圓圓
2010年09月24日
甄子丹向來愛錫家人，每逢出席公開活動，都會帶同老婆汪詩詩和姨仔汪圓圓出席，務求令姨仔增加曝光率。不過汪圓圓做了數年模特兒，成績只屬一般。
為了姨仔前途着想，甄子丹近日已計劃自組公司，希望力捧圓圓上位。此外他又向賀歲片《最強喜事》埋手，力薦黃百鳴起用極少拍戲的圓圓做其中一位女主角，與劉嘉玲和內地女演員閻妮睇成一線。
據知黃百鳴為了《最強喜事》有子丹坐鎮，只好照單全收。
甄子丹自從荷里活回歸香港後，憑着一身好武功，成為史上「宇宙最強」藝人。由他主演的電影如《葉問》、《錦衣衛》及《十月圍城》等，在內地均有過億票房，現時他的片酬已升至 2,500萬。黃百鳴為令《家有喜事》系列穩佔票房首位，早前就邀請甄子丹首演喜劇，更將戲名改為《最強喜事》，增加觀眾新鮮感。
不過甄子丹今時不同往日，他除了要求與 300萬片酬的劉嘉玲做對手外，更推薦姨仔汪圓圓成為劉嘉玲後的另一女主角。
「圓圓由美國返咗香港做模特兒幾年， 07年喺《導火線》做大茄後，都只係出席活動。家姐、姐夫為咗幫佢，乜嘢活動都預埋佢，但都冇用。甄子丹覺得自己拍咗咁多年戲，識得唔少人，不如自己開間公司捧番圓圓同簽其他人。不過喺未成立公司前，子丹就要求黃百鳴起用佢姨仔做《最》片女主角，令我哋 O晒嘴。」知情者說。

一拍戲就拍住古天樂，有運行！（設計對白）
 
搵銀啫，供樓緊要嘛！（設計對白）

難為古天樂
據知將於 10月中開拍的《最》片將會分開三條主線，分別是甄子丹和劉嘉玲、黃百鳴和內地演員閻妮，以及古天樂和汪圓圓。
知情人士說：「本來嘉玲嘅角色屬意吳君如做，不過佢推咗。而汪圓圓嘅角色，電影公司先搵熊黛林同 Angelababy，但熊黛林要去台灣拍電視劇， Baby啲期又爆晒。點知甄子丹要求起用圓圓，咁黃百鳴惟有硬食，當賣個人情俾佢，但難為古仔要同個冇經驗嘅對手做戲。」
對於圓圓成為《最》片其中一位女主角，天馬電影宣傳部發言人默認：「戲入面要唔同類型嘅女仔，公司同圓圓合作過，有機會咪合作囉。」而甄子丹直認自己是推薦人，他說：「確實係我介紹嘅，圓圓咁靚女，又有演戲細胞，唔做戲嘥晒，所以推薦俾導演，最緊要係導演覺得適合至用佢。」

閻妮是國內演員，曾拍電視劇《北風那個吹》和電影《三槍拍案驚奇》。閻妮更因《三》片得到 Channel[V]頒獎禮「最佳女演員獎」。
 
同古仔做情侶
上年的《花田囍事 2010》古仔同田蕊妮做情侶，雖然大塊田不是紅星，但勝在夠放有演技（上圖）。但今年開拍的《最強喜事》，古仔就要同極少拍劇經驗的汪圓圓做情侶，令人大跌眼鏡。
 
劉嘉玲去年被斟拍賀歲劇《 72家租客》，與老友曾志偉合作，但最後計劃告吹。今年劉嘉玲與甄子丹合拍賀歲片《最強喜事》做情侶，令人期待。
 
甄子丹為了提攜姨仔，在剛過去的威尼斯電影節，他便以《精武風雲．陳真》主角身份，帶埋老婆汪詩詩（右二）及不是演員的姨仔汪圓圓（左）行紅地毯，還要余文樂硬食，與圓圓湊成一對。