探熱針
母親患癌焗啞忍收聲受虐 劉蔚萱靠補習養家
慘遭狂躁無綫導演張永豪膠袋笠頭推埋門的「神獸天使」劉蔚萱，公司表面上不再包庇對方，又安排兩人上《東張西望》握手言和，但人情冷暖，無後台的劉蔚萱受盡冷待，連劇組飯局，都無佢份！
前途未卜，劉蔚萱屋漏兼逢連夜雨，患有癌症的劉母最近病情反覆；靠無綫份糧幫手養家的她，要幫人補習增加收入；為了前途與錢途，劉蔚萱只能「收聲」。
跟學生關係友好的劉蔚萱，手繑手齊齊返學生屋企。
面容略帶憔悴的劉蔚萱，由太子搭地鐵到北角，全程頭耷耷，無厘神氣。
兼職補習
留學加拿大、現年二十四歲的劉蔚萱（ Jenny），訓練班畢業後加入無 綫，但計埋爆騷錢，月薪僅過萬，難得有機會加入劇組，在新劇《心路 GPS》做閒角，卻遇上有高層包庇的躁導虐待，前途與收入，危危乎。
上週五（九月二十一日）下午四時半，一臉殘樣的劉蔚萱，由太子地鐵站搭港鐵至北角，再沿渣華道行去炮台山方向，途中遇到一對母女，小女孩跟劉蔚萱似乎好熟絡，沿途有講有笑。
「 Jenny底薪唔過一萬，好在之前有得做『神獸天使』，今年應該有爆騷錢，但年尾公司先會出俾佢，淨靠藝員份糧，根本唔夠，所以佢要接幾份補習，幫補收入。」知情者說。
劉蔚萱出身單親家庭，劉母本來經營印刷生意，家境不俗，八年前，還有足夠能力供她到加拿大升學。
「其實當時佢媽咪已經知道自己患癌，但一直瞞住個女，後來控制到先肯講，不過病情仲係時好時壞。」
幾年前，劉母病情一度轉壞，醫生甚至囑咐兩母女要好好珍惜往後日子，劉蔚萱才決定返香港，照顧無法再打理印刷生意的媽咪，自此，家庭經濟開始走下坡。
幸得肥監製錢國偉欽點做「神獸天使」，劉蔚萱（右一）才有機會賺到爆騷錢。
劉蔚萱訓練班畢業未幾，即有機會演出《心路 GPS》，本來備受睇好，怎料卻遇到「躁導」施虐。
大陸養病
停工休養，加上女兒留在身邊，劉母病情出現轉機。
「 Jenny媽咪依家 喺大陸養病，中西合璧，情況冇再壞落去。發生躁導件事之後，佢媽咪都特登返香港睇吓個女有冇事。」知情者說。
唔想再驚動病母，加上無 綫高層樂易玲、曾勵珍、區偉林親自出面安撫，劉蔚萱在公在私，決定收聲息事寧人。
即使劉蔚萱願意將暴力事件淡化，但早前《心路 GPS》劇組搞飯局，幾乎人人有份去，「躁底」張永豪亦是座上客，受害者劉蔚萱卻冇份食。
「表面上好似冇乜事，張永豪又收埋警告信，但 Jenny到而家都冇乜嘢做，佢都好驚件事仲有手尾。」
冇錢冇後台，劉蔚萱唯有自求多福。
「躁導」張永豪（下圖）事後仍得高層曾勵珍（上圖右）、監製李艷芳（上圖左）力撐，只作公開道歉及收警告信作懲處。
四年前，劉媽媽病情不樂觀，兩母女為留下美好回憶，結伴同遊日本，照片中可見劉媽媽臉色蠟黃，情況欠佳。
全城鬧爆
導演張永豪借教戲欺凌劉蔚萱，原來躁導有前科，連視后佘詩曼同佢都有牙齒痕。有本事橫行無綫多年，僅收警告信了事，可見躁導背景雄厚，千夫所指冇有怕。
辱罵佘詩曼
拍《生命有 Take2》，佘詩曼因遲到 18分鐘，竟遭張永豪辱罵「淨係識帶『塊 嘢』返工」，受屈阿佘即向高層投訴，講明以後有佢冇我。神獸受虐事件爆出後，阿佘直指躁導質素差不值得再提。
杜汶澤爆劣行
亞視出身的杜汶澤，爆張永豪當年在亞視任職助導時已劣績斑斑，最後炒魷收場；又痛批無 綫不應包庇，如果老婆田蕊妮遇到同樣遭遇，定必挺身還擊。
周家怡被屈
留言列表
{{ article.title }}
