較早前長沙有日資商場被反日市民破門搶掠，要到當地開騷 嘅張惠妹，公安唯有加派人手入場館保護阿妹安全。
國台扮
焗住反日小豬破財阿妹變漢奸
釣魚台事件激起中日浪潮，估唔到國仇家恨蔓延到台灣娛樂圈。
4年前到過日本搞巡迴音樂劇《杜蘭朵》 嘅張惠妹，到長沙開演唱會前夕，俾人 响微博鬧親日，擔心演唱會被反日民眾搗亂，當地公安要加派人手保護天后；至於由年初開始部署殺入日本樂壇 嘅小豬，原定 9月尾到日本宣傳處男日文唱片，為怕得罪強國 13億人民，小豬被迫取消訪日行程，損失 2,000萬台幣。
公安加強戒備
國內日日都有反日示威，長沙、西安、青島、北京等大城市暴動情況最激烈，咁 啱要去長沙開騷 嘅張惠妹，無厘頭被湖南電視台製片人李銳 响微博留言話佢「親日」。只係 4年前到過日本搞巡迴音樂劇《杜蘭朵》，阿妹忽然變漢奸，佢班 fans群起到微博發功，鬧爆李銳無中生有，長沙公安亦即時做 嘢，加派人手到演唱會場館，保障阿妹人身安全。
反日期間開騷，好在阿妹最後平安無事，不過為安全計，五月天、林宥嘉同梁靜如，亦相繼取消或延遲國內活動，唔想成為反日群眾箭靶！
湖南電視台製片人李銳忽然 响微博話：「張惠妹演唱會，這姐姐不是很親日嗎？」好在網民冇同佢癲埋一份。
國內唔少城市都出現反日暴動，甚至怒燒日本國旗洩憤！
今年 2月，小豬發行首支日文單曲《 DANTE》，成功登上日本公信榜單曲第 10位，係繼 25年前鄧麗君《我只在乎你》攞過第 9位之後，小豬係第二位可以打入呢個榜 嘅台灣歌手。
白交場租
响日本已經出 咗兩首單曲 嘅小豬，處男日文專輯《 THE SHOW》 9月 19日發行。老實講，黐住 918事變出碟，有運行先出奇！
唱片公司安排小豬 9月 27日至 10月 1日，到日本宣傳，包括舉行兩場演唱會、三場簽唱會，家陣決定取消所有行程。由於演唱會較早前已經賣出六千張門票，搞退票事小，開騷場地費用照樣要俾租，加加埋埋唔見 2,000萬台幣。
破財擋無妄之災，小豬回應得好小心：「這是必須要做的決定。」
個個都怕 咗 13億強國人民，不過身為中國男一號藝人唐國強，以演員委員會成員身份，率領約 260位演藝人，聯署譴責日本購買釣魚台事件，當中有份簽名反日 嘅藝人包括來自台灣 嘅周杰倫。
事後周董否認事件，唔明點解成為聯署一分子，至於同時「被簽名」 嘅台星包括朱孝天、蘇有朋、周華健、周渝民、林心如以及林志玲，全部被迫親中反日，咁又何必呢！
小豬首張日文專輯鐵定 919發行，最終因為中日關係問題，要暫停日本所有宣傳，小豬 嘅日本官方網站已經出 咗通知，取消所有歌迷聚會及演唱會（紅圈）。
繼父係日本人 嘅伊能靜，因為 响微博講 咗句：「中國啊！請你的憤怒慢些走，等一等，讓無辜的人平安回家。」即被人圍插係漢奸！
台星盡量避免到發生過反日示威 嘅地方做宣傳，林宥嘉（左）已經取消西安 嘅歌友會，而五月天原定 9月 29日舉行 嘅西安站演唱會，將會延期到 10月尾開騷！
留言列表
{{ article.title }}
