樣子甜美的岑麗香，看着面前的忌廉蛋糕，表情多多更邊影邊食，這份真情流露，怪不得男女老幼，都喜歡這位甜姐兒。
探熱針
新女上場 飛 Bra女神 岑麗香
笑容殺晒
劇中她用 bra固定錢嘉樂斷手，還胸壓對方，香香話其實好尷尬，「從未試過喺男仔面前攞住個 bra。」
無 綫鬧花旦荒，正是一班有樣有身材兼有學歷的華姐攝位良機。憑《巴》劇中香乃馨一角，一劇爆紅的岑麗香（ Eliza），連自己也估不到，當劇集出街，她刻意唔上網，「我唔敢上網睇 feed back，唔係怕被批評，我係諗如果反應太差，我咪無 嘢做要返溫哥華，我簽 咗約，咁點算好。」
她自覺樣子平凡，只是笑容搭夠，被封為「女神」也是從同事口中得知，初時她還不信，「劇集出街頭幾日，我日日要開廠，直至有日去街市，有班學生同小朋友叫我『香香公主』，要同我合照，我先知原來係真，好鬼開心。」 
這場出浴露背戲，香香話拍得好鬼辛苦，尤其廠景冷氣好凍。
憑住 33C身材突圍的香香，因唔介意三點式上陣，肯搏肯捱，人氣更直逼苟芸慧，說起自己的優勝之處，她直言：「可能我夠傻，好似拍嗰場跌落海 嘅戲，我唔會抗拒，因為真係會發生 响我身上，我試過在學校樓梯，大字形咁跌落地。」但穿三點式，她反而有點抗拒，「其實我唔鍾意著得太 sexy，感覺好唔自然好緊張，事前我要做好耐心理準備，鬼妹仔唔一定喜歡性感。」
在加拿大溫哥華土生土長，○九年參加溫哥華華裔小姐獲冠軍，一○年來港參選「國際中華小姐」再奪魁，自此改變了她的人生，「本來父母唔想我去選美，當時我已經在銀行返緊 training，佢哋覺得份工又穩定，報名最後一日我趕住返工，叫 daddy幫我遞 form，佢本來想跣我唔去。」
辭工選美
連修時裝設計、市場管理和人力資源三個學位的香香，自言不是高材生，只是和比她大一年多的哥哥一樣愛讀書，「我哥哥依家仲讀緊碩士。」選美和揀科一樣，香香的父母都隨她選擇自己的路，她說：「父母想我讀 business，但我想讀時裝設計，點知兩科都入到，我讀設計時發覺都要講求 marketing，所以索性讀埋 business。」
人人以為她會打死份銀行工，但香香忽發奇想，為了留紀念跑去選美，連她哥哥和朋友都取笑她，中文都說不好點選華姐？一心不妨一試的她都說：「入唔到圍我都無損失，點知選埋添！」自小跟哥哥玩到大，難免有點男仔頭，香香話：「細個父母唔俾我出街玩，只有跟哥哥去就得，所以我跟哥哥 嘅同學一齊玩 war game、踏單車，但我都可以好女仔，鍾意同表妹一齊玩芭比公仔。」
外表鬼妹仔，但原來香香家教嚴又傳統，「外國好興去女同學屋企傾偈過夜，好平常個個都會，但我從來都唔俾，直至我廿三歲，才第一次在女朋友屋企過夜，但個晚好好笑，我瞓唔着，覺得都無特別，跟住半夜就揸車返 咗屋企。」
自爆紅後，香香頻頻接 job，這晚與苟芸慧同場，兩位宅男女神，一個熱情一個矜持，高下立見。
自小夢想做公主的香香，沒料到自己的演出，能夠讓觀眾受落，還叫她做「香香公主」，感覺如發夢一樣。
原來係粉絲
來港發展，最大障礙是講廣東話，自知說話歪音經常被整蠱，但她唔介意當開玩笑。個性熱情搞到早前跟錢嘉樂傳緋聞，問香香現在跟男星會否避忌？「嘉樂係大師兄，古明華係阿哥，我當佢哋係我 brother，依家我同其他男同事都會大大聲講，唔好一齊行啦，費事傳緋聞。」
一直有問有答，有話直說的香香，當提到過往拍拖經驗卻有所保留，「讀書時有拍過，但可唔可以唔講。」看得出，她不想再觸景傷情，「直到我唔開心喺父母面前喊，才明白父母當時無阻止，只想我自己去體會。」
擁有 33C的香香，選美時穿三點式泳衣已甚睇頭，近日拍劇她亦再騷本錢。
岑麗香○九年參加溫哥華華裔小姐，並獲冠軍，至於亞軍是今屆港姐冠軍張名雅（左一）。（《蘋果日報》圖片）
愁咗唔夠一分鐘，香香好快又回復招牌笑容，成為一眾宅男女神，問她的偶像是誰？香香鬼馬地說：「係韓國個隊 Big Bang嘅阿 Top，但講明啊，係欣賞唔係愛上，我唔要緋聞 㗎！」
原來香香是追星族，講到擇偶條件，是否要好似阿 Top般靚仔有型呢？她笑謂：「咁又唔使，我要求好簡單，最緊要心地好。」宅男們，收到未！
童年的香香，經常跟比她大年半的哥哥玩，成個男仔頭。
原來香香也是追星族，最喜歡韓國 Big Bang的 Top（左二）。
外表嬌小的香香，原來非常好動，十歲便跟師傅學功夫，最耍家便是舞大旗，防狼招數更加難不倒她。
撰文：羅婉玲
攝影：葉志明
化妝： http://www.zoe-fan.com
服裝提供： Ted Baker
髮型： Ivan Lee@ Headquarters
mailto:nextb@nextmedia.com
留言列表
{{ article.title }}
