跟我 Chok！（設計對白）
你掂唔掂㗎？（設計對白）
搞乜呀你？（設計對白）
自薦做「舞指」的張 衞健親身示範 chok甫士舞步，睇到三子哭笑不得。
探熱針
搞笑幫 Big 4處男廣告 張 衞健爭住獻醜
Big 4成員（許志安、蘇永康、張 衞健及梁漢文）最近首次合體為微信 WeChat拍電視廣告，並落手落腳參與造型、排舞。有收藏眼鏡癖好的蘇永康，精選四副款式奇異的眼鏡供各手足，加上大會特別度身訂做的浮誇西裝，四子造型笑爆嘴。
揸住金咪歌舞連場，平日最不擅跳舞的張 衞健，今次竟然自薦做「舞指」，爭住獻醜。
試過在 Big 4演唱會上玩蜈蚣彈失敗，變滾地葫蘆的張 衞健，向來不擅跳舞。
週一為演唱會影海報，撞啱阿公蘇康正日生日，其經理人任賢齊及 Big 4為他準備蛋糕慶祝。
提供珍藏
自從去年八月在美國西岸作最後一站世界巡迴演唱會後， Big 4四人各自分開工作，到明年二月再合體，於紅館舉行六場（暫定）農曆年演唱會。
仲有四個月先開騷， Big 4先作熱身，早前為演唱會贊助商之一的微信 WeChat拍全新一輯電視廣告。
四子同場，廣告概念鎖定玩嘢同搞笑。四兄弟著上顏色鮮艷的西裝，其中以許安的粉紅格仔西裝最姣，加埋由蘇康提供、早前歐遊時搜集回來的眼鏡及名牌衫，啱晒「玩嘢」主題。
蘇康精心選擇包括有黑毛毛、金色橫間、手掌及稻草眼鏡，款式誇張，梁炳唔夠手長，搶唔到型仔款，被迫戴稻草鏡。
張 衞健搶晒三幅眼鏡戴晒上面，還用手機影低騎呢 look。
見到張 衞健搞笑樣，蘇康笑到露埋牙肉。
蘇康堅持著自己帶來的名牌恤衫打底，但點都唔夠姣婆安的粉紅格仔西裝搶鏡。
梁炳被分派稻草眼鏡，點知原來國際巨星 Elton John都戴過，梁炳找到二人戴同款的眼鏡照片，拿出來炫耀一番。
左右不分
蘇康同 Elton John一樣，都有鋪儲眼鏡癮。
揀衫爭眼鏡玩完一輪，正式埋位。導演要求四子跳舞，被取笑一曲《足球小將》走天涯的張 衞健，舞技明顯是當中最差一個，但當日臨場要度跳舞，他竟然舉手爭住做「舞指」，其餘三人無意獻醜，沒有反對，照足張老大意思去做。
冇跳舞底亦跳唔掂的張 衞健一味靠 chok甫士，僅有舞步不外是左指右指踢吓腳，但梁炳同許安經常左右不分，不停 NG，累街坊！
人多好辦事
一個人單打獨鬥，點都唔及有幫人夠力。歌手開演唱會，更加如是，由早年《左麟右李》合作，叫好叫座，有辦你睇，近年歌手爭相照辦煮碗玩 crossover，開騷十居其九比單拖賣得。
草蜢+軟硬
10月底，草蜢及軟硬破天荒合作舉行《草蜢森巴大戰軟硬 Fans演唱會 2012》，兩隊組合都有銷量保證，掀起撲飛熱潮，演唱會三度加場，總共 11場。
譚詠麟+杜麗莎
譚詠麟與杜麗莎今年七月舉行一連九場演唱會，二人加埋過百歲，仍然有叫座力，場場爆滿。
蕭敬騰+何韻詩
今年七月，何韻詩與台灣歌手蕭敬騰合作在會展舉行兩場《異人世界 Rock'n Road Live》，兩幫 fans分別組團瘋狂撲飛，信用卡訂票一日內爆滿，要兩度加推應付歌迷。 
留言列表
{{ article.title }}
