劉浩龍谷肥二十磅做男主角，至今仍未可以減磅，孭住成條米芝蓮士啤呔拍劇。
探熱針
揸到正 拍劇做埋音樂會 劉浩龍怕蝕底唔唱
事後補拍
劉浩龍和容祖兒公開戀情，地位即時升呢，拍劇待遇星級，有專人抹汗補粉，連攞戲服也有人代勞。
早前《第二人生》在亞洲博覽館拍音樂會戲份，舞台、燈光、音響全部演唱會級數，免費招待三千名觀眾幫手做埋臨記，未計表演嘉賓費，單是製作已使過百萬。當晚除了樂隊太極的鄧健明和 Mr.粉墨登場外，還有來自台灣的樂隊 Magic Power，不過身為男主角的劉浩龍，卻全程隱身，沒有上台表演。
「 嗰場戲係講男主角重拾理想，真正踏上舞台唱歌，不過師兄（劉浩龍）嗰邊話拍劇還拍劇，開音樂會還音樂會，而且個音樂會仲係免費招待觀眾，所以唔肯上台唱，要等個音樂會完 咗， 啲觀眾走晒，先上台補拍唱歌鏡頭。」一名在場工作人員說。
劉浩龍雖然首次做男主角，但已經有專人幫手拿戲服，有晒巨星架勢。
劉浩龍和容祖兒公開戀情後，即奉行封嘴政策，盡量少提戀情。
《第二人生》這場重頭戲除了太極、 Mr.外，還有 Benji＆ Leslie及台灣樂隊參與，相當揼本。
師兄唔肯上台唱歌，等曲終人散才踏上舞台，補拍唱歌戲份。
唔夾口供
拍劇有巨星派頭，連處事亦一樣有巨星態度。巴閉的劉浩龍日前在觀塘海濱公園拍外景，落車埋位，亦有專人幫手攞住西裝戲服；對於未有參與劇中音樂會演出，他說：「我 喺呢套劇係會唱歌，但因為首歌仲未做好，又未開始錄音，所以冇喺嗰日參與演出。」之後，友善地說怕自己不能專心，希望記者盡早離開現場。
劉浩龍經理人公司方面也以同樣理由作解釋，並表示得到導演體諒和理解，即使沒有參與演唱會，也沒有影響拍攝進度；但城電則指由於當日劉浩龍要趕拍另一組劇撞期，雙方說法矛盾。
音樂會租用亞洲博覽館，場地加舞台、燈光、音響等製作費過百萬，尚未計樂隊 Mr.等人演出費用。
太極的 Joey（鄧健明）、雷有暉在劇中另組 Super Band，並在音樂會上重唱太極金曲。
劇中除了 Joey和師兄外，雷有暉（左起）、尹子維、陳霽平、陳穎妍和何紫綸亦有份參演。
師兄彈結他，盧海鵬客串一角，不知道他在現場有沒有試咪呢？
為保持粗壯身形，師兄要 keep住暴食，與劇中老婆趙學而齊齊食撻。
增肥前
為符合新劇中年漢角色，劉浩龍暴食增肥，昔日「苗條」身材（左圖）。
增肥後
紙板公仔充場
魔童掟錢拍劇，搞到對手亦要放水搞大製作。但一般情況下，慳皮仍是無綫精神。今年四月播出、鄭嘉穎 孭飛的《拳王》，其中一場在新伊館的拳賽，為慳臨記費，席上數百觀眾由人形紙牌頂檔。適逢當時臨記就最低工資問題，同無綫拗數怠工，監製、導演要出動家屬朋友幫手做老臨；但人數唔夠，唯有用最原始方法，下令全部幕後影人頭相做紙牌觀眾，連電腦特技都慳番，醜死。
城電請三千觀眾免費睇騷，順便幫手做臨記，而無綫《拳王》為慳皮，用紙板觀眾頂檔。
留言列表
{{ article.title }}
