范冰冰同章子怡曾一齊出席公開活動，人前兩人又搭膊又貼頭，表現鬼咁friend，但查實喺背後二人互放暗箭。
最近有傳章子怡跟內地官員關係密切，仲話𠵱家中央政府查緊佢，搞到佢出唔到國，傳到似層層，搞到章子怡上週四要漏夜開記招拍枱澄清是非，仲話會追究到底。


FBI打過去報道章子怡捲入薄熙來案、位於美國嘅博訊新聞網總部了解，發言人以唔清楚為由，唔回應。今次章子怡唔只扯火申寃，最近佢個編劇老友畢成功亦幫手反擊，喺微博暗示幕後主謀疑似係范冰冰，仲大爆有人踩人成癮，個朵臭晒。FBI收到風，仲有傳其他女星好似李冰冰、陳思思、黃奕同楊冪都疑似黐高官搵着數。 FBI曾致電多位涉嫌女星求證，但至截稿前都未有回覆，只得楊冪經理人Cici肯答：「入行這麼久，從未聽過中間人打來的電話，我相信因為楊冪的爸爸是警察，所以沒有人會有膽子找她。因為這件事情是假的，我相信對一眾女星沒有影響，我很高興章子怡出來求清白，是一件很勇敢的事。」 ####


最近楊冪亦傳出係黐高官撈油水女星之一，佢嘅經理人Cici就斷言：「她爸爸是警察，肯定沒有中間人敢找她。」


傳聞同內地高官關係密切嘅唔只章范二人，李冰冰亦係出名跟內地高官關係友好。


事件更扯到落平時斯斯文文嘅內地「民歌天后」陳思思身上，傳聞佢嘅「契爺」就係內地高官。


畢成功喺自己個微博暗指某人陷害章子怡，傳聞佢所指嘅某人係「冰冰」女星。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄