今年22歲的林泳淘，樣貌有啲似寇鴻萍大女唐貝詩（小圖），雖然大會仲未公布身高及三圍數字，但林泳淘谷住湯碗胸出場，一睇就知係有料之人，唔怪得全場至搶鏡。
揀足3個禮拜有多，TVB《2012香港小姐競選》30位入圍佳麗（其中一位病咗缺席），上週六（2日）終於首次見傳媒，今屆港姐質素被譽為近年最好。
事前一直係大熱嘅湯鎮業侄女28號湯洛雯，當日着條鬼咁密實嘅花裙出場，冇嘢睇兼娘娘哋，跌咗少少watt。反而之前冇乜人留意嘅24號林泳淘，着住條超貼身短裙谷出湯碗胸，加上笑容燦爛，一出場已令FBI睇到眼凸凸。


今年22歲、做過奀星唱過歌、又拍過賀歲片《我愛香港．喜上加囍》嘅林泳淘唔只識搶鏡，當日記招完咗後，明知FBI同一班記者跟住，一樣帶住個friend行尖沙咀shopping，之後仲特登走入去Quiksilver揀泳衣，輕而易舉就撈到版位。
今屆青春有睇頭有林泳淘、而大方得體佳麗就有7號卞曉帆，現年25歲嘅卞曉帆，報稱職業係企業總裁，FBI收到風，卞曉帆畢業於美國波士頓學院嘅工商管理學系，家陣喺上海開咗間紅酒公司，絕對有學歷又有米。


湯鎮業侄女28號湯洛雯，唔知係咪想洗脫蒲精形象，當日睇住條又密實又娘爆嘅花裙亮相。而FBI摷到湯洛雯曾係《PRIMO》模特兒公司model，當時都着過斗零邊比堅尼褲影相，曾經性感過。

實力代表
7號卞曉帆，外形大方得體，加上笑容甜美，不難成為黑馬。而卞曉帆仲係一間位於上海嘅紅酒公司嘅市場部總裁，絕對有樣有內涵。

繼續清純
湯鎮業侄女湯洛雯跌watt，但貌似《那些年》女神陳妍希嘅25號陳潔玲，一路保持清純氣質，繼續成為大熱人選。

酒凹迷人
𡃁模楊梓瑤師妹3號楊斯雅，報稱大學畢業，笑起上嚟仲有兩個酒凹，雖然個樣好sweet，但身形就瘦咗一啲。


http://tvb4life.pixnet.net/blog


唐貝詩


記招完畢後，林泳淘明知FBI跟住，都孖住個女仔friend一齊去加連威老道Quiksilver揀泳衣，仲即場攞住件「一件頭」泳衣度身，擺明想引人影相。


唱過奀歌
24號林泳淘（右）上年曾加入女子組合Lacee Lacey，當時露晒臍行性感，曾出過一首歌叫〈秒殺〉，但因冇乜人識，今年已經唔見影。


做過大茄
除咗闖過樂壇，林泳淘（右二）上年尾仲拍過TVB賀歲電影《我愛香港．喜上加囍》，但只係做大茄，不過都唔放過機會搵主角黄宗澤合照抽水。


𡃁模楊梓瑤師妹3號楊斯雅，報稱大學畢業，笑起上嚟仲有兩個酒凹，雖然個樣好sweet，但身形就瘦咗一啲。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄