舒淇網上傳情

星爺套新戲《西遊降魔篇》一出，即跑贏中港賀歲票房，梗係值得開心。早前套戲首映，佢call行馬晒冷，又對住性感女神舒淇攬腰拉手兼錫錫，雖然舒淇唔多受，但就谷戲成功。當晚佢又去咗至愛嘅飯堂「尚興」食潮州菜。

至於舒淇呢排除忙為電影宣傳外，跟緋聞男友馮德倫嘅戀情亦傳到似層層，二人不時被拍得出雙入對，早排仲傳出到美國秘密結婚，剛於上周四（十四日）情人節，佢不時在微博留言傳情，中午時寫下「那個人就是你……愛我現在……好嗎？」至晚上又攬兩隻小狗留言，戀情有着落嘅佢，花臣多多。

早前星爺在首映禮上，當眾又攬又錫舒淇，但後者似乎不太受落。

近年傳出跟馮德倫蜜運嘅佢，在情人節上載跟愛犬嘅溫馨照，相當sweet。

首映禮後，星爺跟友人到上環的飯堂開餐。

見有記者守候，佢先上友人座駕離開。

佢坐上友人車後，還風騷拜拜。

 

 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄