娛樂八掛大放送★

相對韋家輝創作的魄力和氣量，財爺的預算案頂多屬車衣女工級的產物。韋家輝的魄力在敢於打倒昨日的我，當年《誓不低頭》胡楓在法庭上明明被關海山逼得無路可逃，柳暗花明關海山一句「我冇點你」令結局變得合情合理。韋家輝話做創作就要有逼死自己的決心，這便是創作的宿命。佢冇點你，創作就是需要這份氣量。　撰文：何永寧

創作要有創意，身兼監製、編劇和導演的韋家輝日前接受訪問說：「後生時會 humble啲，今日我會答你呢方面我係有啲天份。」 97年前已經構思一部電影，講恐怖分子用火箭炮擊落民航機，九龍城變成火海，演員起用李連杰，片名都定了叫《龍城殲霸》，後來因為機場搬遷沒有拍成，美國 911恐襲卻竟然是類似橋段。

放大圖片

《誓不低頭》中，胡楓和關海山在法庭上大鬥法，兩人精采的結案陳詞堪稱經典。電視圖片

放大圖片

92年的《大時代》不僅是電視劇經典，丁蟹效應更成為股市現象。劇照

貧困童年啟發靈感 放大圖片

丁蟹在劇中與四個仔跳樓自盡，他掟仔落街一幕，當年接到很多投訴。電視圖片

創作同時需要勇氣， 92年首播電視劇《大時代》，黃金時段丁蟹的四名兒子甫開場便被迫跳樓，「套劇 7點半播，冇幾耐已經接到好多投訴，最後罰完錢套劇仲要調去 9點半播。」創意跟勇氣加上兒時的歷練，成就出不朽的劇作，身為該劇監製的韋家輝說：「好細個父母就分開咗，每日要處理嘅問題係一蚊點樣可以三兄妹食到兩餐。」睡覺也是一個問題，他說：「嗰時同媽咪一家四口喺外婆度住，同屋嘅仲有舅父一家，每晚要等佢哋入房我哋至可以喺廳開床瞓。」自言沒有任何難堪的感覺，因為雙方都很遷就，互相體諒。但這份經驗就成為日後創作的靈感，他笑說：「記得《義不容情》有一幕，講藍潔瑛新年時唔敢應門，因為冇錢封利是，毫無疑問係我細時親身嘅經歷。」

人性光輝戰勝邪惡 放大圖片

韋家輝雖非佛教徒，但對佛理有濃厚興趣，故在他的電影中不乏講禪理之作。

有時候創意也是逼出來的，韋家輝的作品裏面經常出現歇斯底里的情節，「玩大咗」的情況經常出現，他說：「玩大就係個編劇唔知點埋尾，創作時我通常唔會理終點去咗至算，不過最後埋站你個結尾當然要合理。」韋家輝自言很多時到最後，靠的就是靈光一閃。在劇集《誓不低頭》關海山跟胡楓結尾時的法庭戲如是，他回想說：「胡楓同關海山兩師徒喺法庭鬥法，胡楓已經被逼到冇辦法起死回生，自己都唔知點寫落去，有乜辦法幫胡楓贏呢？」最後靈光一閃，結局是關海山居然在庭上指證自己的當事人曾江，今時今日那場戲依然歷歷在目，「靈光」只可能解釋為韋家輝的天份。橋段經常轉變，但唯一不變的是結局，人性光輝戰勝邪惡，他解釋：「我相信性本善。」當年在電視圈被譽為長勝將軍，踏足電影圈的首部作品《和平飯店》雖然有周潤發助陣，但結果令人失望，韋家輝說：「呢部係好貼近類型片嘅電影，即係好商業。成績只係一般，但反而俾我知道原來拍風格片、癲嘅片先啱我。」贏是因為夠癲，訂定日後韋家輝繼續癲下去的創作路線。癲之外，韋家輝對宗教都有一份執着，雖然不是佛教徒，但就對佛教有一份偏執，因為喜歡當中科學化的哲理，他說：「對宗教我係好有、好有興趣，閒時都會睇佛經同聖經，好多時將呢份見解放喺自己嘅作品電影入面。」

愛《大隻佬》寄佛理

不過就是這份對宗教的迷思，曾經嚇了他一餐死，他說：「嗰時拍緊《大隻佬》，戲入面好多禪理想講，一方面怕觀眾接受唔到，但越踩越深又唔可以停；另外化妝特技又用咗好多錢，所以當時經常午夜夢迴嚇醒。」可幸最後電影大步檻過，也成為他最喜歡的作品。至於自己一手創造的《大時代》丁蟹，卻未必是最欣賞的人物，但肯定是最寄予同情，他說：「丁蟹可以話係懷才不遇嘅悲劇人物，如果喺適合嘅土壤同故事，憑佢嘅性格好可能令佢成為英雄。」有時角色的際遇就跟人一樣，受着命運的主宰。


創意有時候要逼出來的，韋家輝表示有時創作去得太盡，埋尾不知怎樣收科，最後靠的多數是靈光一閃的靈感。攝影：仇志德