探熱針
精雕細琢 七分鐘戲拍十日 黃聖依當甄子丹做王家衞
甄子丹為 孭飛兼做動作導演的《 3D冰封俠》，拍完中環萬聖狂歡，再殺入青馬大橋拍飛車日夜趕戲，開工幾個月未拍到一半，宇宙更自爆有場七分鐘戲拍足十日，戲中做他女友的黃聖依，幻想自己拍緊王家衞電影。
甄子丹要求高，導演羅永昌要求多。預算殺青日期有遲冇早，甄子丹依然堅持慢工出細貨，拍完香港再戰北京。要配合宇宙最高要求，黃聖依唯有繼續痴等。
三秒即喊
拍打爆木枱一幕，甄子丹最後決定用膠代木，結果一 take過搞掂，出來效果更有氣勢。
在《冰封俠》打到飛起之餘，今次甄子丹還要談情說愛，跟扮演辣妹的黃聖依做情侶。日前二人在室內拍攝一場甄子丹爆木 枱場面，身兼動作導演的他，既要指揮度招擺位，將木 枱搬來搬去，又要培養情緒鬧走黃聖依。
甄子丹忙到一頭煙，導演羅永昌頂上，先同黃聖依先試感情戲，要她在最短時間內流出眼淚，在內地拍過不少大製作的黃聖依，亦有備而來。
羅永昌一叫開始，唔夠三秒，黃聖依已眼有淚光，之後兩行淚湧出，直至導演叫 OK先停。一次唔夠，試完一次又一次，三次終於收貨。場內工作人員讚好，甄子丹亦忍唔住叫「厲害」。 
3秒內流眼淚
Take 2，又掂。
超硬支
有指甄子丹為一場七分鐘打戲，前後拍了十日。
「我要求好高，導演亦好多要求，所以 嗰場戲拍 咗好耐。」宇宙最強直認。
要同宇宙最好打擦出火花，黃聖依不單喊得快，耐力亦相當。「套戲開 咗幾個月，都唔係拍 咗好多，北京戲份仲未開始，唔知幾時拍完，有時我以為自己拍緊王家衞 嘅戲。」
雖有內地收十二億喜劇《泰囧》男主角王寶強助陣，但甄子丹對這部聲稱耗資以億計的投資絕對不敢掉以輕心。早前在青馬大橋危坐巴士以及在中環酒吧通頂狂歡的戲份，還要重新搭景補拍；拍完再拍，本來預算億幾的製作費，隨時超支埋單。
由明朝穿越時空來到香港，甄子丹古裝扮相行銅鑼灣，結果惹來愈來愈多遊客及行人圍觀。
早前氣溫驟降，晨早在公園食住西北風拍感情戲，二人都要食杯麵取暖。
拍萬聖節狂歡戲，莊思敏、石詠莉等同黃聖依幾乎在街企足一晚，唔使埋位的黃聖好識爭取休息時間，隨時匿埋一邊瞓覺。
王寶強在戲中要穿越時空追捕甄子丹，二人打出火花。
陳浩民有份客串演出，老婆蔣麗莎帶女探班，更即場示範沖奶。
好片重溫
留言列表
{{ article.title }}
