No.1拉麵$98
店中最具分量的拉麵，將所有材料集於一身，如叉燒、溫泉蛋和雪菜等。

Missing Out

福岡屋台拉麵　日限 150碗

2012年08月22日 ~~ 第274期 Face

香港的拉麵戰開始放慢腳步時，竟有一間福岡拉麵店加入戰團。店鋪面積細，只能同時容納不到 20位人客， 6款拉麵，小食數量亦不多，但卻是 Michael久違了的屋台拉麵店味道。

互動片段

食住讚

這是日本福岡的屋台拉麵店，露天無冷氣，同大廚近距離接觸，非常有風味。

講到福岡拉麵，大家可能會對一蘭同一幸舍等比較有認識，但呢間拉麵店在福岡已有 40多年歷史，並有 6間分店，是當地的老字號之一。為了引入呢間品牌，老闆娘 Leslie同老公山崎先生先後到訪日本 4次，最後誠意打動了總店老闆，同意讓餐廳的山崎師傅駐港打點一齊。餐廳的味噌由福岡直送到港，幼身的直拉麵就跟足日本配方，在港找麵廠製造，彈牙有咬口。為了配合港人口味，老闆娘在拉麵中特別加入紫菜、木耳同雪菜等配料，令口感更豐富，而叉燒就用荷蘭同本地豬肉，五花腩和豬肩肉各一半，醃得入味，肥瘦均勻，吃在嘴裏有一層薄薄的骨膠原。福岡拉麵最出名就是乳白色的豬骨湯底。山崎先生同日本老闆簽了「生死狀」，湯底和味噌的製法只有自己和大廚知道，連老婆都唔講得。不過肯定的是，豬骨熬煮前必須多次出水，辟去豬羶味。每日限定 150碗拉麵，就用上 44個豬頭和 80磅豬筒骨熬製 10小時，純豬骨的湯底完全唔油，入口順喉唔死鹹，絕對可以一啖飲到照鏡。