森美很關心 10歲大的兒子和 6歲女兒，不時被拍到拖住女兒出街，他說：「香港可能需要有國民教育，但家有存疑，不如過一、兩年再推行啦！」
講得出
拍片反洗腦 森美鬧國民教育係賊
政府硬推國民教育，怕子女被洗腦，家長當然緊張。國民教育家長關注組除發動「一人一信」行動外，早前請到多位藝人包括黃耀明、森美和最新鮮出爐的馬詩慧等拍攝反洗腦教育短片。
絕少提及家中一子一女的森美，在片中語重深長地將國民教育科比喻為賊，其 10歲大仔正讀九龍塘一直資名校，森美夠敢言：「我對仔女都讀普通學校……所以我要企出嚟！」
森美兒子就讀九龍塘一小學，並非國際學校，森美解釋：「普通學校其實冇問題，亦唔會因為呢 啲事離開香港 嘅。」
尚有十多日就開學，教育局仍堅持要向小學生埋手，強推洗腦式國民教育科；反洗腦教育的國民教育家長關注組及學民思潮早前已發起聯署行動，演藝界不少藝人亦有參與，而家長關注組近日亦請來幾位藝人，包括森美及黃耀明等拍攝短片支持「一人一信」寄去學校行動，希望引起更多市民關注。
森美夠獨到
森美表示於國民教育關注組內，好多都係佢中大同學，同學叫到，佢一定唔托手踭，在片中森美將洗腦教育比喻為賊，未搞清楚前最好拒諸門外。
“個樣似賊喎，咁都問清楚 㗎！咁唔通畀佢入 嚟試吓先啦？”
“未搞掂你又畀我，我又食 咗，肚痛咁點呢？”
“好似大頭奶粉咁樣， 啲仔個頭大，我 哋做家長頭都大埋。”
“由細到大都食苦 嘢 嘅，鬼知咩叫甜咩！”
賊仔論
其中有一仔一女仍讀小學的森美最感慨，在接近 3分鐘的短片中，引用唔少例子比喻國民教育科，他在短片中嚴肅說道：「攞下一代 嚟做試驗品係唔得 嘅……等如有個陌生人敲你門話要入屋，仔女走去開門喎，突然間俾我 哋到，個樣似賊喎，咁你都問清楚 㗎，咁唔通畀佢入 嚟試吓先？或者唔係賊呢，入 咗 嚟係賊咁點呢？」形容洗腦教育同賊一樣危害整個家庭。
森美咁緊張，只因 10歲乖仔並沒有入讀國際學校，現正於九龍塘名校聖保羅男女小學部就讀，而 6歲叻女亦於本地升讀普通小學，辛苦考入一條龍名校，可惜學校為直資中學，收得政府錢，唔多唔少都要配合政府教育制度。
影片本月 14日上載至 YouTube，截至週一（ 20日）點擊率已近 16萬，引來網民狂關注。咁出力反國民教育，週一森美出席活動時解釋：「我對仔女都讀普通學校，學校有同我 哋溝通 㗎，唔係因為擔心至拍條片 嘅！但身為家長，我覺得既然咁多人覺得國民教育唔好，政府應該全面諮詢囉，所以我要企出 嚟！我細個讀書都冇國民教育啦，都覺得自己係中國人。」所有嘢都係，勉強冇幸福㗎！
森美在片中指愛公司唔一定要愛老細，被網友揣測所指的是陳志雲，森美解釋：「商台只係換高層冇換老細，同陳志雲合作愉快！我用呢個比喻只係想切身 啲，大家諗多 咗喇。」
明星輪住撐
除咗森美出面拍片外，其實明哥 黄耀明先係反洗腦第一人，本週一（ 20日）則有「精叻媽」馬詩慧發聲，而國民教育關注組發言人陳惜姿則說：「拍片都係義工，唔係專業人士，暫時唔講得仲有乜人拍咗！」
明哥首拍
家長關注組首段發片藝人是黃耀明，他表示愛國等如談戀愛：「冇得教我愛你 嘅！」
“國家屬於我 哋，唔係我 哋屬於國家！”
“就算我冇細蚊仔，我都愛呢個國家 嘅下一代。”
“唔去參與，佢就會 嚟到你 嘅頭上面，捏住你條頸。”
馬詩慧接力
馬詩慧與王敏德育有兩女一子，當然關心子女的前途，擔心香港變差，子女將來亦冇好日子過。
“因為愛國，我 哋更加要知道國家 嘅一切事實。”
“政府又話有資訊，到家推行 嘅時候，我 哋家長完全唔知呢回事囉！” 
《壹週刊》圖片
馬詩慧早前被拍到接細仔王躍穎放學，正讀華仁書院中一的躍穎已 12歲，依然肯拖到實媽咪，可見母子關係非常好。
達明開騷唱政府
黃耀明是第一位為家長關注組拍攝短片的藝人，剛完成的兩場《達明一派兜兜轉轉演演唱唱會 part 2》，亦加入不少反建制的元素，高潮位是學民思潮一班學生上台，頭帶紅領巾，與達明合唱反洗腦歌〈 Another Brick In The Wall〉，觀眾反應非常熱烈，台下甚至有人大叫「罷課」。
學民思潮召集人黃之鋒在台上說：「當我 哋生活 喺香港，為 咗下一代有思想自由，希望下一代識分是非黑白，反對國民教育呢條路唔易行，但係我 哋責無旁貸！」旁邊的黃耀明聽完不斷鼓掌更忍唔住喊。上次演唱會 part 1明哥的「出櫃」宣言蓋過了反建制主題，今次的政治議題則更明顯，愛港唔係得個吹字！
達明一派開騷全程反建制，請來學民思潮一班學生上台唱歌，反對政府推行洗腦教育。
只得 15歲的學民思潮召集人黃之鋒上台演說獲全場鼓掌支持，他說：「好多謝明哥畀我 哋配合 啲歌出場，之前排過幾次，但我對上台仍唔係好慣。」 
演唱會最尾唱出林子祥名曲〈抉擇〉，呼籲市民 9月 9日利用選票為前途作出抉擇，難得做歌手都對政治咁有 heart。
出戰港島直選的公民黨陳淑莊到場支持達明騷，早前陳淑莊宣傳《戴錯 嘢夫人》黃耀明亦有撐場，關係匪淺。《蘋果日報》圖片
留言列表
{{ article.title }}
