父母都是左派學校出身，但司徒夾帶沒被洗腦，反而加深對左仔的理解，他自言：「我唔係完全唔左，如做得好 嘅都撐，唔好就鬧，我係冇黨派立場。」
搜尋氣
司徒夾帶 刀仔鋸大樹
司徒夾帶（陳學鳴）， 30歲，最愛扮司徒法正自導自演拍片放上網，最叻諷刺時弊，自稱香港才子排 20，僅次 19才子陶傑，條條片點擊率過十萬，明寸唐英年的「生煎唐僧肉」更超越 40萬人次睇過，面書 szetosifu超過 3萬人訂閱，網友愛佢抽水有創意。
他是家中獨子， 8年前理工畢業後見李力持開出版社，他膽粗粗自薦，一拍即合夾幾萬元搞 umovie，到家陣司徒夾帶拍片有電話廣告植入，亦帶挈公司接更多廣告，原來最終目標都係搵錢同女友結婚。
09年開始有司徒夾帶，因為社會上好多 嘢好靈異、解釋唔到，點解娛樂圈發生 啲咁 嘅事？點解社會氣氛咁怪異？一切我解釋唔到 嘅就將佢訴諸「妖怪」，我誇張 啲咁表達出 嚟，當然我係行搞笑 嘅！
無恥 嘅黨派我一定唔 buy！無恥係對住選民講 嘅 嘢，同佢 喺議會裏面投 嘅票係兩回事，呢 啲係厚顏無恥！做政治一定要奸，但唔可以無恥、唔好核突！我對梁振英係有期望，希望佢做到 嘢，佢好明顯係唔驚人鬧，呢點亦係政治人物必要 嘅條件喎，我寧願你做錯，好過唔做唔錯。
起名司徒夾帶，是因為：「我以前諗夾帶私逃，會唔會有人叫司徒夾帶呢，扮埋司徒法正幾好玩吖。」他更找上門和正版司徒法正合照，攞正牌扮人咁話。
片中經常出現的女師傅，據聞是司徒夾帶即將迎娶的女朋友，幾靚女同樣好受網友歡迎。
網絡世界我未做到好叻，家希望聯同其他網絡拍片人（如 Ming仔）迫 啲主流媒體留意我 哋 嘅存在，可以刀仔鋸大樹有商機。我之前上亞視（《娛樂 CIA》）都係想喺電視出現，小試牛刀啫，算得咩吖？香港其實得一個電視台。拍片另一個原因，係我怕冇能力照顧女友，我 哋就快結婚，所以呢半年好努力做咁多 嘢，搵錢之餘想獲得更多認同。以前我咩都唔在乎，家在乎自己 嘅創作，女友就在乎我愛唔愛佢囉。
司徒夾帶拍片好識用靚女，其中扮賭聖應徵政治助理短片內的「高拎」是今年落選港姐「 V煞」黃潤娜（小圖），幾乎成條片都影胸唔見樣，司徒夾帶說：「 喺網上認識 嘅，大家都覺得幾得意咪搵佢拍囉，義務冇錢收 㗎！」
最新出品「賓檸柒」諷刺政府無能，上載一星期截至上週五（ 17日）已超過 17萬點擊率。
留言列表
{{ article.title }}
