繑實
5呎 4的林子善最近勁忙，要搞新鋪開張、又要打碟搵錢，同女友聚少離多。上週三（ 15日），難得二人得閒，一身日本涉谷系黑妹打扮的女友 Kary當然繑到實一實啦！不過子善連行街都忙住接電話講公事，話自己收錢只係負責打碟，唔係做小丑，傾咗幾分鐘，冷落咗女友喎！
預支上期
林子善：女友好旺我！
今年再添食的《怒火街頭 2》仍然 keep到個勢，飾演戇直律師米佐治的林子善繼續搶鏡。
做綠葉做到有運行，原來林子善拍一套劇有過十萬酬勞，加上一直密做 DJ打碟，最近更投資 50萬與友人合資開冰室，實行有錢搵搏到盡。唔怕捱，只因林子善與現職 I.T售貨員女友 Kary拍拖感情穩定，據知二人亦打算明年結婚。林子善亦大讚女友「好旺我」，黑妹女友叠埋心水做林師奶囉！
30歲的林子善，近年中港兩邊走，除拍劇、拍電影和打碟外，更自資 50萬開冰室，實行努力拓財源。
睇床褥
試完床當然要睇埋床褥！床褥有軟有硬，好影響睡眠質素㗎！
試大床
子善睇雙人床，仲瞓晒身試吓張床舒唔舒服！咦！睇真啲呢張係雙人床喎！
搵老婆本
搵得多自然想成家。上週三（ 15日），本刊發現林子善與女友 Kary甜蜜逛銅鑼灣「宜家」，洪爺全程拖實女友，二人有講有笑，睇大床揀床褥之餘，仲睇埋吊燈和揀衣櫃，似乎為結婚愛巢做準備。
上週五（ 17日）本刊記者致電林子善，他更大讚女友「旺夫」：「結婚可能遲啲先諗， 𠵱家事業有起色，想努力搵錢，儲吓老婆本先。女友好旺我，同佢一齊之後事業都好咗！因為喺大坑開鋪，我都喺嗰度租咗個單位，方便落鋪。不過買床都係想女朋友搬過嚟住，過吓二人世界先。」同居支埋上期，林子善發咗咪忘本呀！
大坑出巡
斥資 50萬喺大坑開冰室，早前本刊亦發現林子善跟女友和友人於大坑食住雪糕行街。
見全家
去年林子善被影到帶女友見家長，更和林家兩老吃飯，子善說：「我每個女友都會帶返屋企畀阿爸阿媽睇吓，認真㗎嘛！」《忽然 1周》圖片
《怒火 2》中，林子善唔再戀滕麗名，轉追同行兼好友李雪瑩（ 10年落選港姐），繼續扮戇直。
「洪爺」發圍銀
撈咗 14年，林子善去年靠《怒火》先擺脫爛仔形象，難得林子善乜都肯做，單是上半年密食，原來已經賺到 60萬，勁過唔少三、四線演員。
拍劇 20萬
《蘋果日報》圖片
雖然林子善唔係無綫親生仔，但原來樂易玲勁 like佢，仲加人工搵佢拍劇，已出街的《怒火 2》和下月將播的《雷霆掃毒》（小圖），兩部加埋都有 20萬。
打碟賺 25萬
林子善每逢二、四、六喺尖沙咀的酒吧打碟，一星期三日，每場收$3,000，由年頭到 𠵱家都賺過 25萬。
拍戲賺 15萬
留言列表
{{ article.title }}
