曾經喺《孽子》同《盛夏光年》做過同志，張孝全（左）話今次處理斷背情冇乜困難，反而另一場喊戲更難掌握。
開台
《女朋友．男朋友》基到尾
上年一套《那些年》令台片在港大熱，連 3歲細路都識唱「那些年錯過的大雨」，柯震東同陳妍希更忽然升呢變晒男神女神。
青春愛情片有市場，今年繼續上。由張孝全、桂綸鎂及「台版 Tom Cruise」鳳小岳主演的《女朋友．男朋友》，在台灣上畫十幾日收過 4千萬台幣票房（約港幣 1,030萬）。雖然跟《那些年》 4.1億仍有距離，但電影講兩男一女三角關係，有男男露股咀戲又有桂綸鎂裸背床戰，雖然冇搞騾仔咁激，起碼唔係齋拖手仔咁寡喎！
上映日期： 8月 30日
香港安排暑假尾上畫的《女朋友．男朋友》，講青梅竹馬的張孝全、桂綸鎂同鳳小岳，由中學時期到中年時的曖昧關係。小鎂一直暗戀怕醜仔張孝全，但原來張有斷背傾向，由細到大只係鍾意反叛青年鳳小岳。
劇本原本冇呢場男男咀戲，係拍過青春片《囧男孩》嘅導演楊雅喆同鳳小岳（右圖）臨時加落去，張孝全事後都話嚇一嚇！
三個主角上週二（ 14日）來港出席首映，桂綸鎂被問到會否同導演男友戴立忍閃婚，佢即刻甜笑表示有可能。
張孝全暗戀好兄弟鳳小岳，但對方完全唔領情，淨係鍾意一直單戀張孝全嘅桂綸鎂。
電影海報望落有啲《那些年》味道，但《那》片有打手槍等熱血位，《女》則平平淡淡要慢慢嗒先有味，加上背景講台灣 80年代嘅學生爭取校園民主而不斷搞學生運動，香港 80後可能比較難投入。
男男咀戲冇難度
雖然《女》片唔似同樣由張孝全做同志的《盛夏光年》有男男床戲咁激，但其中一幕鳳小岳咀張孝全的戲分，事前唔知情的張孝全嚇到呆晒，仲話對方「好溫柔，感覺被他當成女孩子」，反而做主動的小岳就話咀男仔冇難度，「當天我們在陽明山某間房子裏拍，屋外下狂風大雨，沒什麼特別感覺，兄弟感情好到彼此信任，就不會噁心。豁出去啦，之前《艋舺》殺青戲就親過小天了！」
呢場裸跑戲拍咗半日，導演話成班男仔冇扭扭擰擰，一去到片場即刻除褲埋位！
桂綸鎂喺片中飾演烈女，導演要求桂綸鎂剷青，小鎂諗都冇諗就應承，不過話晒靠樣搵食，仲要一 take過，所以剷之前搵咗攝影師同助導做白老鼠！
裸跑唔使遮
除 咗同鳳小岳的斷背咀戲，張孝全仲有一場露股戲益街坊，講張孝全俾桂綸鎂整蠱，夾埋其他女同學搶走衫褲，迫佢哋全裸衝出操場。要做光豬六壯士，張孝全話最初都好尷尬，後來見個個都係咁，索性豁出去唔再遮。「我們都是赤腳，然後那天很熱、地板很燙，很多人腳都已經起水泡了！剛開始還蠻好笑的，大家就是套襪子嘛，然後貼膠帶把這邊包起來，所以當我們跑完、喊 cut的時候，你會看到地上有襪子、護具掉在地上，到後來每個人就是『算了，我不遮了！』」男人老狗，幕前露吓股好濕碎 啫！
呢場裸跑戲拍咗半日，導演話成班男仔冇扭扭擰擰，一去到片場即刻除褲埋位！
為免走光，事前個個做足安全措施，仲要求清場拍攝。
張孝全由十幾歲中學生演到三十幾歲中坑，佢身邊呢位混血小妹妹，可以話係戲中其中一個關鍵位。
留言列表
{{ article.title }}
