方力申同鄧麗欣雖然被揭早於 10年已秘密結婚，兼於薄扶林築新愛巢，但兩人死口唔認，估唔到事隔近 2年，竟被亞視半公開踢爆兩人已離婚，確實令人難以置信。《忽然 1周》圖片
封面
綫人收錢爆料 Stephy方力申秘婚 2年離婚
近年孖住轉攻內地搵人仔的方力申和鄧麗欣（ Stephy），相戀 9年，雖然一直冇正式公開承認，不過兩人親密關係好難呃到人。
有傳 2人早於 10年 10月已秘婚，更於同年 11月到馬爾代夫度蜜月，可惜 2人始終口硬唔認。但最近亞視新節目《娛樂 CIA》的爆料環節〈線人〉，有收錢神秘人公開大爆「餅女」和「飛魚」最近竟已離婚，明顯講緊方力申和 Stephy，夠晒戲劇性。
32歲的方力申和 28歲的鄧麗欣（ Stephy），自 06年被所屬唱片公司塑造成情侶檔後，兩人實行假戲真做，近年更拍住拖齊齊北上搵銀。
小島蜜月
小方和 Stephy 10年 10月時，曾被傳於情侶度假勝地馬爾代夫度蜜月。
態度冷淡
早前 Stephy入院做「拇指外翻」矯正手術，有傳媒問小方有否探望時， Stephy經理人只以「唔知道喎！」回應，態度十分冷淡。
外遊默認戀情
阿 Sa蔡卓妍與鄭中基一樣秘婚多年， 10年被踢爆分開，兩人才迫於開記招自揭兩人已離婚，跟方力申如出一轍。《蘋果日報》圖片
方力申與 Stephy感情穩定， Stephy更於兩年前搬入男友位於碧荔道的洋房與方家同住，方太地位早已確認。不過話晒二人走偶像路線靠樣搵食，拍拖結婚仍然係二人大忌，故決定採取否認態度保飯碗。
但隨住方力申與 Stephy多次斷正，先被傳媒踢爆 2人早於 10年 10月成婚。二人又於同年 11月往馬爾代夫度蜜月，新婚自然甜蜜，當時 Stephy被踢爆後，仍笑住直認：「唔介意做嘅事被人公開，係唔想感情事被人放在工作邊，咁大個人，有啲嘢唔使講得咁明顯。」
只是新婚甜絲絲乜都敢講，但事隔兩年，據知由於兩人主力北上搵銀，聚少離多感情轉淡，圈內已有人傳出二人感情出現問題。知情者說：「佢哋成日都要分開返大陸，根本好難有機會見面，加上小方個底唔好， Stephy成日形住小方唔夠忠誠，所以近排成日鬧交囉，之前（ 3月）兩個一齊去法國都係諗住箍煲，之後點就唔知喇。」
女方公主病
方父方毓仁週一（ 20日）回應指傳聞不確，又說方力申已成年，一切由他自己決定。
感情出現危機，至上週四（ 16日），亞視新開播的節目《娛樂 CIA》內，竟然有收錢綫人爆料話方力申和鄧麗欣已經離婚，雖然該綫人只是以「餅女」和「飛魚」稱呼二人，不過主角誰屬呼之欲出。綫人於節目中話：「其實佢哋幾年前已經喺好遠嘅海外結咗婚，離婚都只不過係今年內嘅事。其實係女方想有個保障，但係 𠵱家離咗婚之後，餅女都已經遷出愛巢。其實點解佢哋會離婚呢？第一係因為個女嘅有公主病；其次係有一次佢哋喺屋企附近嘅超市買嘢嗰陣，當眾嘈咗幾句，當時好多人都睇到㗎！所以咪離婚囉！」
聽落好兒戲，但聽完綫人爆料之後，節目主持之一的路芙說：「一聽都知講邊個啦，聽到佢哋結婚，我真係唔覺得奇，但係話離埋婚，就真係有啲錯愕喇！」咁大膽半公開式爆料，方力申阿爸週一（ 20日）則在畫廊內代仔澄清說：「亞視講嗰啲都唔啱嘅，佢哋都係成年人，呢啲始終係佢哋嘅事，你問番佢哋啦！」本刊亦曾致電 2人前經理人 黄柏高，他表示不知情。至於方力申和鄧麗欣，則於截稿前仍未有回覆。
巴黎箍煲
本年 3月，為慶祝方力申 32歲生日， Stephy同小方再遊巴黎，可惜其後 2人秘遊被傳媒撞破， 2人顯得尷尬。據知此行實為箍煲之旅，箍唔箍得掂係佢哋兩個先知。
《蘋果日報》圖片
濃情轉淡
前年 12月伴住方爸爸上北京，但在機艙上 2人不瞅不睬，小方則掛住打機，似在冷戰。
聚少離多
方力申和 Stephy近年主攻內地市場，拍電影電視劇，雖然 2人同在內地工作，但見面機會甚少，有指是感情轉淡的導火線。《壹週刊》圖片
《忽然 1周》圖片
《娛樂 CIA》係乜嘢？
8月 13日起出街的《娛樂 CIA》是亞視的外判節目，由傳訊媒體製作有限公司製作再賣給亞視，今年 5月才成立，頭炮就是幫亞視搞《娛樂 CIA》。此節目報道娛樂資訊及踢爆娛圈秘聞為主，一星期播足七日；主持陣容有林超榮、李麗蕊、盧覓雪、胡孟青和路芙等 12人，上週平均收視只得 1點。
傳訊媒體高級項目經理 Tim Lee話：「我 哋 嘅創作部同製作部人員，以前都係來自電視台或電台，爆料 嘅綫人簽 咗保密協議，連年齡、工作性質都唔講得，佢 哋 嘅身份連高層都唔知，創作部入面只得一個人知係邊個。綫人入廠要清場，綫人入 咗電話亭主持至可以入廠。綫人有錢收，但幾多唔講得。」
個女嘅有公主病……有次佢哋喺屋企附近超市買嘢嗰陣，當眾嘈咗幾句！
收咗錢要每集爆料的綫人，要匿埋喺電話亭爆料，連聲都要變埋，冇人知佢係邊個。
呼之欲出
上週四（ 16日）節目中，綫人爆「飛魚」同「餅女」疑似離婚，兩人名字呼之欲出，傻嘅都估到講邊個。
路芙
嗰晚個綫人講到咁明顯，我一聽就知啦！不過佢 哋離 咗婚，我真係好錯愕！
林超榮
嗰日（上週四）個綫人講『飛魚』同『餅女』結婚又離婚 啲 嘢，我都唔係好記得啦，淨係記得佢 哋喺好偏遠 嘅地方結囉！
《娛樂 CIA》早前舉行記招，除亞視執行董事盛品儒等，傳訊媒體集團總裁蕭孝明（箭嘴）都有出席，他曾經是亞視高層，同亞視都算有關係。《蘋果日報》圖片
連環爆料
電視台少有娛樂爆料節目，《娛樂 CIA》卻每星期有兩集爆料環節，除暗示方力申同鄧麗欣結過又離埋婚之外，首兩集已爆了 3單「勁料」，可惜收視得 1點，難怪冇乜人知。
小生 百萬分手費
巨星 搞大家傭肚
模 副業搵快錢
同一集綫人又爆有模經營副業，該模出過寫真、人氣高企，但因寸嘴得罪唔少同行；而她為了當副業搵快錢，經常推掉正常工作，連經理人都不知她的去向。
潮興揞名爆
now觀星台的《娛樂審死官》爆料陣容有經理人、有前娛記仲有前狗仔隊成員，有幾成真大家自己諗。
除咗亞視搞揞名爆，最近連 now台亦唔執輸，於梁思浩主持的《娛樂審死官》節目內，大爆有女星去汶萊賣淫賺一億，梁更自稱有淫媒用 20萬港元利誘佢去印度做性交易，匪夷所思！
梁思浩 印度賣淫
翟佩雲 飯局收利是
曾是無綫電波少女，等同模的翟佩雲，亦於節目中表示曾出席富豪飯局，她更稱即使沒有下文，但仍可收到一個塞滿一千蚊紙的利是，收入相當和味！
除咗齋噏，翟佩雲當日仲有畫埋飯局座位表，似層層。
留言列表
{{ article.title }}
